މޯލްޑިވްސް މީޑިއާ ކައުންސިލް (އެމްއެމްސީ) އާއި ބްރޯޑްކާސްޓިން ކޮމިޝަން (ބްރޯޑްކޮމް) އެއްކޮށްލުމުގެ މަސައްކަތް އަވަސްކޮށްދިނުމަށް ބްރޯޑްކޮމްއިން ރައްޔިތުންގެ މަޖިލީހުގައި އެދިއްޖެއެވެ.
މަޖިލީހުގެ މިނިވަން މުއައްސަސާތަކުގެ ކޮމިޓީއަށް ހާޒިރުވެ ވާހަކަދައްކަވަމުން އެ ކޮމިޝަނުގެ މެންބަރު އަލީ ޔޫސުފް ވިދާޅުވީ މިހާރު އަމަލު ކުރަމުންދާ މީޑިއާ ކޮމިޝަންގެ ގާނޫނަކީ ޒަމާނަށް ނުފެތޭ ގާނޫނެއް ކަމަށާއި، އެ ގާނޫނު އިސްލާހު ކުރުމުގެ މަސައްކަތް ކުރަން ޖެހިފައިވާ ކަމަށެވެ.
އޭނާ ވިދާޅުވި ގޮތުގައި 2019 ވަނަ އަހަރު ބްރޯޑްކޮމްއަށް އައި ބަދަލުތަކާ އެކު އެމްއެމްސީ އާއި އެ ކޮމިޝަން އެއްކޮލުމުގެ ވާހަކަ ދެކެވެމުން އައި ނަމަވެސް މިހާތަނަށް އެކަން ނުކުރެވި އޮތުމުގެ ސަބަބުން ބައެއް ގޮންޖެހުންތަކާ ކުރިމަތިވެފައިވެއެވެ. އެގޮތުން ކޮމިޝަނުގައި މަސައްކަތްކުރާ ރަނގަޅު އިދާރީ މުވައްޒަފުން ދެމެހެއްޓުމަށް ކުރާ މަސައްކަތަށް ހުރަސް އެޅޭ ކަމަށް އަލީ ޔޫސުފް ވިދާޅުވިއެވެ.
ވޭތުވެދިޔަ ފަސް ހަަތަރު އަހަރަށް ވުރެ ގިނަ ދުވަހުގެ ތެރޭގައި ވަރަށް ރަނގަޅު ވަރަށް މުހިންމު މުވައްޒަފުންތަކެއް އަޅުގަނޑުމެންނާ ވަކިވެގެން ވެސް ހިނގައްޖެ، މިކަހަލަ މައްސަލަތަކުގައި އިނގޭތޯ. މިހާރު ވެސް އެބަހުރި އަޅުގަނޑުމެންގެ މުވައްޒަފުންގެ ތެރޭގައި އެ ޝައްކު، އެ ބިރުވެރިކަން.ބްރޯޑްކޮމްގެ މެންބަރު އަލީ ޔޫސުފް
މީގެއިތުރުން އޭނާ ވިދާޅުވީ އެ ގާނޫނަށް ގެނެވިދާނެ ބަދަލުތަކުގެ ޑްރާފްޓެއް އެކުލަވާލައި، ނިމުނު ރައީސް އިބްރާހީމް މުހައްމަދު ސޯލިހުގެ ވެރިކަމުގައި ހުށަހަޅާފައިވާނެ ކަމަށާއި، ސަރުކާރު ބަދަލުވުމަށް ފަހު ބަންޑާރަ ނައިބުގެ އޮފީހުން އެ ބަދަލުތަކުގެ ޑްރާފްޓެއް ބޭނުންވެގެން އެދުމުން ވެސް ފޮނުވާފައިވާނެ ކަމަށެވެ.
ބްރޯޑްކޮމްއިން ވަނީ އެ ކޮމިޝަނުގެ ބައިވެރިވުމާއެކު އެ މަސައްކަތް މަޖިލީހުގެ ތެރެއިން އަވަސްކޮށްދީ ގާނޫނު އިސްލާހުކޮށްދިނުމަށް ކޮމިޓީގައި އެދިފައެވެ.
ޣައްޒާގައި ޝަހީދުކޮށްލި މީހުންގެ އަދަދު 42،000 އަށް އަރައިފި
މޫސުން ގޯސްވެ މުޅި ރާއްޖެއަށް ހުދު ސަމާލު ނެރެފި
45 އަހަރުނުވާ އަންހެނުން މަހުރަމަކާ ނުލައި އުމްރާއަށް ނުގެންދެވޭ ގޮތަށް އުސޫލު ބަދަލުކޮށްފި
އުރީދޫއިން ކަސްޓަމަރުންގެ ދުވަސް ފާހަގަކޮށްފި
