ހުޅުމާލޭގައި އެޅުމަށް ނިންމާފައިވާ ތެލެސީމިއާ ހޮސްޕިޓަލަށް ބޭނުންވާ ފަންޑު މިހާރު ވަނީ ހަމަޖެހިފައި ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މިނިވަންދުވަހުގެ ރަސްމީޖަލްސާގައި ވާހަކަދައްކަވަމުން ރައީސް ވިދާޅުވީ އެމަނިކުފާނު ވަޢުދުވެލެއްވި ގޮތަށް ތެލެސީމިއާ ބައްޔާބެހޭ ހުރިހާ ޚިދުމަތެއް ލިބިގެންދާނެ ހޮސްޕިޓަލެއް ހުޅުމާލޭގައި އެޅިގެންދާނެ ކަމަށާއި ހޮސްޕިޓަލަށް ބޭނުންވާ ބިންވެސް މިހާރު ހަމަޖެހިފައިވާކަމަށެވެ.
ފުލް ފްލެޖް ތެލެސީމިއާ ހޮސްޕިޓަލެއް. ތެލެސީމިއާގެ ހުރިހާ ޓްރީޓްމަންޓަކާ. އެތަނަށް އައިސް ތިބުމަށް ބޭނުންވާ އެކޮމޮޑޭޝަން ފެސިލިޓީސްއާއި ހުރިހާކަމެއް ފުލް ފްލެޖް. ވަށާޖެހޭ ހޮސްޕިޓަލެއް އިރާދަކުރެއްވިއްޔާ އެޅިގެންދާނެ.ރައީސް ޑރ. މުޙައްމަދު މުޢިއްޒު
ތެލެސީމިއާ ހޮސްޕިޓަލް އެޅުމަށް ބިން ހަމަޖެހިފައިވަނީ ހުޅުމާލޭ ދެވަނަ ފިޔަވަހިންނެވެ. ހައުސިންގ ޑިވެލޮޕްމަންޓް ކޯޕަރޭޝަނުން ވަނީ ހޮސްޕިޓަލް އެޅުމަށް 72000 އަކަފޫޓުގެ ބިމެއް ހަމަޖައްސައި ހެލްތް މިނިސްޓްރީއާ ހަވާލުކޮށްފައެވެ. ތެލެސީމިއާ ހޮސްޕިޓަލް އެޅުމަށް އެހީވުމުގެ ގޮތުން އޫރިދޫއިން ސަރުކާރަށް 100 މިލިއަން ރުފިޔާގެ އެހީއެއްވުމަށް އެކުންފުނިން ނިންމާފައިވާކަން ރައީސްއޮފީހުން ވަނީ ކުރިން އިޢުލާންކޮށްފައެވެ.
ރައީސްގެ ވާހަކަފުޅުގައި ކުޑަކުދިންނާއި މާބަނޑު އަންހެނުންނަށް ޚާއްސަ ހޮސްޕިޓަލް އެޅުމަށް ފަންޑު ހޯދުމުގެ މަސައްކަތްތައް ހަލުވިކަމާއެކު ކުރިއަށްދާ ކަމަށާއި ނުހަނު އަވަހަށް އެކަންވެސް ހަމަޖެހިގެންދާނެކަމަށް ވިދާޅުވިއެވެ.
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
އެމެރިކާގެ ޖޯޖިއާގެ ސްކޫލެއްގައި ދިން ބަޑީގެ ހަމަލާގައި ޝައްކުކުރެވޭ ކުއްޖާގެ ބައްޕަ ހައްޔަރުކޮށްފި
