މާލޭގެ ދެސަރަހައްދަކުން މާދަމާ ކަރަންޓު ކެނޑިދާނެ: ސްޓެލްކޯ

ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން މާލޭގެ ކަރަންޓު ވިއުގަ އަޕްގްރޭޑް ކުރުމަށް ކުރަމުންދާ މަސައްކަތުގައި މާދަމާ މާޅޭގެ 2 ސަރަހައްދަކުން ކަރަންޓު ކެނޑިދާނެކަމުގައި އެކުންފުނިން ބުނެފިއެވެ.

މާލެސިޓީގެ، ކަޅުހުރާ މަގު، ކަރަންކާ މަގު އަދި ކަރަންކާ މަގު ހަނި ގޯޅި ހިމެނޭ ސަރަޙައްދުން ހޯމަދުވަހުގެ ހެނދުނު 09:30 ން 11:30 ށް ކަރަންޓުގެ ޚިދުމަތް މެދުކެނޑޭނެ ކަމަށާއި ހިތަށްފިނިވާމަގު އަދި ކަޅުހުރާ މަގު ހިމެނޭ ސަރަޙައްދުން މެންދުރުފަހު 14:00 ން 16:00 ށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމުގައި ސްޓެލްކޯއިން ސޯޝަލްމީޑިއާގައި ހިއްސާކުރި ޕޯސްޓެއްގައި ބުނެފައިވެއެވެ. މިކަމުގެ ސަބަބުން ކަސްޓަމަރުންނަށް ދިމާވާ ދަތިތަކަށް މާފަށް އެދިފައިވެއެވެ.

ސްޓެލްކޯއިން ގްރޭޓާ މާލޭގެ ސަރަހައްދުތަކުގެ ކަރަންޓު ވިއުގަ އަޕްގްރޭޑް ކުރުމުގެ މަސައްކަތް ދަނީ ކުރަމުންނެވެ. މިގޮތުން ކުރާ މަސައްކަތްތަކަށް ކަރަންޓު ކެނޑޭނެކަމަށް ލަފާކުރާނަމަ އެކުންފުނިން ކަސްޓަމަރުންނަށް ކުރީބައިގައި އަންގައެވެ.

ސްޓެލްކޯއިން ދަނީ އެކުންފުނީގެ ޚިދުމަތްތައް ރަނގަޅުކޮށް ކުންފުނީގެ ޢާމްދަނީ އިތުރުކުރުމަށް ގިނަ މަސައްކަތްތަކެއް ކުރަމުންނެވެ.