ގަދީމީ މިސްރުގެ ޙަޟާރަތާ ބެހޭ ބޮޑު މައުރަޒެއް ޝަންހާއީގައި ހުޅުވައިފި

މިސްރުގެ ޤަދީމީ ތަހުޒީބުގެ މައްޗަށް އަލިއަޅުވާލާ ބޮޑު މައުރަޒެއް ޗައިނާގެ ޝަންގްހާއީގައި ހުޅުވައިފިއެވެ.

"އޮން ޓޮޕް އޮފް ދަ ޕިރަމިޑް: ދަ ސިވިލައިޒޭޝަން އޮފް އެންޝަންޓް އީޖިޕްޓް" ގެ ނަމުގައި ބޭއްވޭ މި މައުރަޒަކީ ވޭތުވެދިޔަ 20 އަހަރު ތެރޭގައި މިސްރުން ބޭރުގައި ބޭއްވޭ އެންމެ ބޮޑު މައުރަޒެވެ.

ޝަންގްހާއީ މިއުޒިއަމާއި މިސްރުގެ ސުޕްރީމް ކައުންސިލް އޮފް އެންޓިކުއިޓީސް (އެސްސީއޭ) ގުޅިގެން ބާއްވާ މި މައުރަޒުގައި މިސްރުގެ 788 އަސާރީ އާސާރުގެ އިތުރުން ޗައިނާގެ ބައެއް އާސާރީ ތަކެތި ވެސް ހިމެނެއެވެ. މީގެ ތެރޭގައި ހިމެނެނީ ތަފާތު ވައްތަރުތަކުގެ ބުދުތަކާއި، މަށީގެ އުފެއްދުންތަކާއި، ޒީނަތްތެރިވުމަށް ބޭނުންކުރި ތަށިތަކާއި، އެކި ޒަމާންތަކުގެ ޚަޒާނާތަކެވެ.

މި މައުރަޒުގައި ސައްޤާރާ އިން އަލަށް ހޯދުނު 400 އަށްވުރެ ގިނަ އާސާރީ ތަކެތި ދުނިޔޭގެ ކުރިމަތީގައި ފުރަތަމަ ފަހަރަށް ދައްކާލެވެއެވެ. އަދި މިސްރާއި ޗައިނާ ގުޅިގެން ކުރަމުންދާ އާކިއޮލޮޖިކަލް މަސައްކަތްތަކަށް ވެސް އަލިއަޅުވާލައެވެ.

މީގެ އިތުރުން، ސައްޤާރާ އިން އަލަށް ހޯދުނު އާސާރީ ތަކެތި ޑިޖިޓަލްކޮށް ދިރާސާކުރުމުގެ މަޝްރޫޢެއް ފަށައިފައިވާކަމަށް ބުނެއެވެ. މި މަޝްރޫޢުގެ ދަށުން އެތައްހާސް މަމީ ފޮށިތައް ސްކޭންކޮށް ދިރާސާކުރެވޭނެއެވެ. އަދި މިސްރާއި ޗައިނާ ގުޅިގެން ކުރާ އާކިއޮލޮޖިކަލް ދިރާސާތަކުގެ ޑޭޓާބޭސްއެއް އުފެއްދުމަށް ވެސް ރޭވިފައިވެއެވެ.

މި މައުރަޒުގެ މަޤްޞަދަކީ މިސްރުގެ ޤަދީމީ ތަހުޒީބުގެ މަތިވެރިކަމާއި ތަފާތު ކަންކަން ދެއްކުމެވެ. މި މައުރަޒު 19 ޖުލައި 2024 އިން ފެށިގެން 2025 ގެ އޯގަސްޓް މަހާ ހަމައަށް އާންމުންނަށް ހުޅުވާލެވިފައި ހުންނާނެއެވެ.