އެމެރިކާގެ މިސޫރީ ސްޓޭޓުގައި 1980 ވަނަ އަހަރު ހިނގި މަރުގެ މައްސަލައެއްގައި ކުށެއް ނެތި 43 އަހަރު ޖަލުގައި ހޭދަކުރި 64 އަހަރުގެ ސެންޑްރާ ހެމް މިނިވަންވެއްޖެއެވެ.
ބީބީސިން ރިޕޯޓްކޮށްފައިވާ ގޮތުގައި ޕެޓްރީޝިއާ ޖެޝްކޭ ނަކަމަކަށް ކިޔާ މީހެއްގެ މަރުގެ މައްސަލައިގައި އޭރު 20 އަހަރުގެ ސެންޑްރާ ހެމް ކުށްވެރިވެފައިވަނީ ސައިކެޓްރިކް ހޮސްޕިޓަލެއްގައި އެޑްމިޓްވެފައި އޮއްވާ ވެފައިވާ އިއުތިރާފަކަށް ބިނާކޮށެވެ.
ޖޫން 14 ވަނަ ދުވަހު ފަނޑިޔާރު ރަޔަން ހޯސްމަން ވަނީ ސެންޑްރާ ހެމްގެ މައްޗަށް ކުރެވުނު ޙުކުމް ބާތިލްކޮށްފައެވެ. މިކަމަށް ފަނޑިޔާރު ނިންމެވީ ސެންޑްރާ ހެމްގެ ކުށެއް ނެތްކަން ސާބިތުވާ ހެކިތަކެއް ލިބިފައިވާތީއެވެ.
މި މައްސަލައިގައި ސެންޑްރާ ހެމްއާ ގުޅުވޭނެ އެއްވެސް ފޮރެންސިކް ހެއްކެއް، މޯޓިވްއެއް ނުވަތަ ހެކިބަސް ދޭނެ މީހަކު ނެތްކަން ފާހަގަކުރެވެއެވެ.
ހުކުރު ދުވަހު މިނިވަންވުމާއެކު ސެންޑްރާ ހެމް ވަނީ އޭނާގެ އާއިލާއާ، ބައްދަލުކޮށްފައެވެ. އެގޮތުން އޭނާގެ ދަރިފުޅާއި، ކާފަ ދަރިފުޅާ އަދި ދައްތައާ އޭނާވަނީ ބައްދަލުކޮށްފައެވެ.
އުމުރުގެ ގިނަ ދުވަސްތަކެއް ޖަލުގައި ހޭދަކޮށްފައިވާތީ، ސެންޑްރާ ހެމްއަށް ސޯޝަލް ސެކިއުރިޓީގެ ޚިދުމަތްތައް ލިބުމުގައި ދަތިތަކެއް ކުރިމަތިވާނެ ކަމަށް ބެލެވޭ ކަމަށް ރިޕޯޓްތައް ބުނެއެވެ.
މުލީ އެއާޕޯޓު މަސައްކަތް ނިންމާ ޓެސްޓް ފްލައިޓަށް ތައްޔާރުވަނީ
ފުލުހުން ބަލަމުންދާ މައްސަލައެއްގެ ތަހުގީގަށް މީހަކު ހޯދަނީ
ބީއެމްއެލް ވޮލެޓުން ރާއްޖޭން ބޭރަށް ކުރެވޭ ޓްރާންސްފާގެ ލިމިޓް 5000 ޑޮލަރަށް
ޝަމްއާން ބަންދުކުރި މައްސަލައިގެ އިސްތިއުނާފް އަޑުއެހުން ކެންސަލް
