މާލޭގެ ބައެއް ސަރަހައްދުތަކުން މިއަދު ދެގަޑިއިރަށް ކަރަންޓު ކެނޑިދާނެ: ސްޓެލްކޯ

މިއަދު ހެނދުނު މާލޭގެ މައްޗަންގޮޅިގެ ބައެއް ސަރަހައްދުތަކުން ކަރަންޓު ކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީން ހާމަކޮށްފިއެވެ.

ސްޓެކޯއިން މިއަދު އެކްސްގައި ކުރި ޕޯސްޓެއްގައި ބުނެފައިވަނީ އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެސިޓީގެ މައްޗަންގޮޅި ދިލްބަހާރު މަގު، ބާމިޔާ ގޯޅި، ޗާންދަނީ މަގު އަދި އިސްކަންދަރު މަގު ހިމެނޭ ސަރަހައްދުން މިއަދު ހެނދުނު 09:30 ން 11:30 ށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.

އަދި ކަރަންޓު ކެޏޑުމުގެ ސަބަބުން ރައްޔިތުންނަށް ދިމާވެދާނެ ދަތިތަކަށް ނިހާޔަތަށް މާފަށް އެދޭކަމުގައިވެސް ސްޓެލްކޯގެ ޕޯސްޓުގައި ބުނެފައިވެއެވެ.

ސްޓެލްކޯއިން ދަނީ މާލޭގެ ކަރަންޓު ވިއުގަ އަޕްގްރޭޑް ކުރުމުގެ މަސައްކަތް ބައިބަޔަށް ބަހާލައިގެން ކުރަމުންނެވެ.