ކޮވިޑްގެ ދުވަސްވަރު 2020 ވަނަ އަހަރު ބަޖެޓު ޑެފެސިޓް އޮތް ވަރަށް ވުރެ ނިމިދިޔަ 2023 ވަނަ އަހަރުގެ ބަޖެޓު ޑެފެސިޓް ބޮޑުވާނެ ކަމަށް އޮޑިޓް ރިޕޯޓުން ދައްކައިފިއެވެ.
މިދިޔަ އަހަރުގެ ބަޖެޓު ރިވިއުގައި އޮޑިޓް އޮފީހުން ބުނެފައިވަނީ ފާއިތުވި އަހަރުތަކުގެ ފިސްކަލް ބެލެންސް އެނަލިސިސް އިން ދައްކާ ގޮތުގައި 2020 ވަނަ އަހަރު ކޮވިޑް-19 ގެ ބަލިމަޑުކަމުގެ ސަބަބުން ކުރި އަސަރުތަކާއެކު މުޅި ބަޖެޓް ޑެފިސިޓް ވަރަށް ބޮޑަށް ގޯސްވެފައިވާކަމަށެވެ.
އެ ރިޕޯޓު ބުނާގޮތުން އިގްތިޞާދު ރަނގަޅުވި ނަމަވެސް ބަޖެޓް ޑެފިސިޓް އަދިވެސް އޮތީ ކޮވިޑްގެ ކުރިން ހުރި މިންވަރަށް ވުރެ ގާތްގަނޑަކަށް ދެ ގުނަ އަށް ވުރެ މައްޗަށް ގޮސްފައެވެ. އަދި ފާއިތުވި އަހަރުތަކުގައި ސަރުކާރުތަކުގެ ހަރަދު ބޮޑުވެފައިވާއިރު ލިބުނު އާމްދަނީއަށް ވުރެން ކުރި ޚަރަދުތައް ބޮޑު ކަމަށް ވެސް އެ ރިޕޯޓުގައި ފާހަގަކޮށްފައިވެއެވެ.
އޮދިޓް އޮފީހުން ބުނީ އެ މުއްދަތުގެ ތެރޭގައި، ސަރުކާރުގެ އެންމެ ފަހުން ޝާއިޢުކުރެވުނު މެދުރާސްތާ ފިސްކަލް ސްޓްރެޓެޖީސްގެ ދަށުން ކަނޑައަޅާފައިވާ ބަޖެޓް ލިމިޓްތަކަށްވުރެ، ޖުމްލަ ބަޖެޓް (ސަޕްލިމެންޓާއެކު ބަޖެޓް) ފަހަނައަޅައި ގޮސްފައިވާކަމަށެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
