މާލެ އާއި ހުޅުމާލޭގެ ބައެއް ސަރަހައްދުތަކުން މިއަދު ކަރަންޓު ކެނޑުން އެކަށީގެންވޭ: ސްޓެލްކޯ

މާލެ އާއި ހުޅުމާލޭގެ ބައެއް ސަރަހައްދުތަކުން، މިއަދު ކަރަންޓު ކެނޑުން އެކަށީގެންވާކަމަށް، މާލެ ސަރަހައްދުގައި ކަރަންޓުގެ ޚިދުމަތް ފޯރުކޮށްދޭ ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން ބުނެފިއެވެ.

ސްޓެލްކޯއިން ވަނީ މިއަދު ކަރަންޓު ކެނޑޭނެކަމަށް ލަފާކުރެވޭ ސަރަހައްދުތަކާއި ވަގުތުތަކުގެ ތަފްސީލު ހާމަކޮށްފައެވެ.

އެގޮތުން މާލެ ސިޓީ، ގަލޮޅު، ބުރުޒުމަގު، ކޮއިމަލާ ހިނގުން އަދި އަމީނީ މަގު ހިމެނޭ ސަރަހައްދުން މިއަދު ހެނދުނު 09:30 ން 10:30 ށް ކަރަންޓުގެ ޚިދުމަތް މެދުކެނޑުމަކީ އެކަށިގެންވާކަމަށާއި މާފަންނު، ފީރޯޒު މަގު ހިމެނޭ ސަރަހައްދުން މިއަދު މެންދުރު 13:30 ން 16:00 ށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށް އެކުންފުނިން ބުނެފައިވެއެވެ.

މީގެއިތުރުން ހުޅުމާލެ ފޭސް 2، ނިރޮޅު މަގު (ހިޔާ ޓަވަރު H12) ހިމެނޭ ސަރަހައްދުން މިއަދު ހެނދުނު 10:00 ން 11:00 ށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމަށްވެސް ސްޓެލްކޯއިން ބުނެފައިވެއެވެ.

މި ސަރަހައްދުތަކުން މިއަދު ކަރަންޓު ކެނޑުން އެކަށީގެންވަނީ އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތް ކުރަމުންދާތީކަމަށް ސްޓެލްކޯއިން ބުނެފައިވެއެވެ.