ފަސް އަހަރު ތެރޭގައި ސްޓޭލްކޯއިން 5 ލައްކަ ގަސް އިންދަނީ

ކުރިއަށް އޮތް ފަސް އަހަރު ދުވަހުގެ ތެރޭގައި ސްޓޭލްކޯއިން މަދުވެގެން 500،000 ގަސް އިންދުމަށް އެންވައިރަމެންޓް މިނިސްޓްރީއާއެކު އެއްބަސްވުމެއްގައި ސޮއިކޮށްފިއެވެ.

ސްޓެލްކޯއިން މިއަދު ސޮއި ކުރި ޕްރޮޖެކްޓުގައި އެ ކުންފުނީގެ ފަރާތުން ސޮއިކުރެއްވީ މެނޭޖިންގް ޑިރެކްޓަރު ހުސެއިން ފަހުމީއެވެ. އެންވަރަމެންޓް މިނިސްޓްރީގެ ފަރާތުން ސޮއިކުރެއްވީ މިނިސްޓަރު ތޯރިގް އިބްރާހިމްއެވެ.

އެ ޕްރޮގްރާމްގެ ދަށުން ސްޓެލްކޯގެ ފަރާތުން ގަސް އިންދުމުގެ ޕްރޮގްރާމް މިއަދު ރަސްމީކޮށް ފަށާފައި ވަނީ ކ. ތުލުސްދޫގައެވެ.

ރައީސުލްޖުމްހޫރިއްޔާ ޑރ. @MMuizzu ގެ ވަޢުދުފުޅާއި އެއްގޮތަށް، ރާއްޖޭގައި 5 އަހަރުން 5 މިލިއަން ގަސް އިންދުމަށް އެމަނިކުފާނު މިއަދު ފައްޓަވައިދެއްވި މަޝްރޫޢުގައި ބައިވެރިވެ ކުރިއަށް އޮތް 5 އަހަރު ގަސް އިންދުމުގެ ޙަރަކާތް ހިންގުމަށް ސްޓެލްކޯއިން މިއަދު ވަނީ ޕްލެޖްގައި ސޮއިކޮށްފައި.… pic.twitter.com/CStaFmE0JJ

— STELCO (@STELCOMALDIVES) June 5, 2024

ރާއްޖެ ފެހިކުރުމަށާއި ގަސްތަކުގެ މާހައުލީ ނިޒާމްތައް ރައްކާތެރިކޮށް ދެމެހެއްޓުމާއި މޫސުމީ ބަދަލުން ދިމާވާ ނުރައްކާތަކަށް ރާއްޖޭގެ ވިލުންތެރިކަން އިތުރުކުރުމަށްޓަކައި ފަސް އަހަރުގެ ތެރޭގައި، ފަސް މިލިއަން ގަސް ރާއްޖޭގެ އެކިކަންކޮޅުތަކުގައި އިންދުމުގެ މަޝްރޫއެއް ކުރިއަށް ގެންދިއުމަކީ ރައީސް ޑރ. މުއިއްޒުގެ ރިޔާސީ ވައުދެކެވެ.

އެގޮތުން ފަސް މިލިއަން ގަސް އިންދުމުގެ ޕްރޮގްރާމް އެ މަނިކުފާނު ފައްޓަވައިދެއްވީ މިއަދު ހެނދުނެވެ.