އާއިލީ ހަމަޖެހުން ގާއިމުކުރުމަށް އަޅަންވީ ފިޔަވަޅުތައް ދެނެގަތުމުގެ މަސައްކަތް ކުރަނީ
އާއިލީ ހަމަޖެހުން ގާއިމުކުރުމަށް އަޅަންވީ ފިޔަވަޅުތައް ދެނެގަތުމަށް މަސައްކަތްތަކެއް ކުރަމުންދާކަމަށްސޯޝަލް އެންޑް ފެމިލީ ޑިވޮލޮޕްމަންޓް މިނިސްޓަރު ޑރ. އައިޝަތު ޝިހާމް ވިދާޅުވެއްޖެއެވެ.
މިނިސްޓަރު އައިޝަތު ޝިހާމް މިފަދައިން ވިދާޅުވީ ވޭތުވެދިޔަ 6 މަސްދުވަހު އެ މިނިސްޓްރީން ކޮށްފައިވާ މަސައްކަތްތައް ހިއްސާކުރުމަށް މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
މިނިސްޓަރު ވިދާޅުވީ އާއިލާތަކަށް އަންނަ ލޮޅުންތައް ދެނެގަތުމަށް މޯލްޑިވްސް ނޭޝަނަލް ޔުނިވަރސިޓީ، އެމްއެންޔޫ އާއި ގުޅިގެން މަސައްކަތްތަކެއް ކުރުމަށް މަޝްވަރާކުރަމުންދާ ކަމަށެވެ.
އެގޮތުން މުޖުތަމައުގައި އެންމެ ބޮޑަށް ގެއްލުމަކާއި ހިތްތަދިކަމެއް ލިބެނީ އާއިލާއަށް ލިބޭ ލޮޅުންތަކުގެ ސަބަބުންކަމަށާއި މިފަދަ ކޮންމެ ލޮޅުމަކުން ގިނަ އަސަރުތަކެއް އަންނަކަން ފާހަގަކުރައްވާ މިނިސްޓަރު ވިދާޅުވީ އެކަން ހައްލުކުރުމަށް މަސައްކަތްތަކެއް ކުރަމުންދާކަމަށެވެ.
މިނިސްޓަރު ޑރ. އާއިޝަތު ޝިހާމު ވިދާޅުވީ މި މަސައްކަތުގެ ދަށުން މީހުންނާއި މަޝްވަރާކޮށް، މަހާސިންތާއެއް ބޭއްވުމަށްވެސް ރާވަމުންދާ ކަމަށެވެ.
މީގެއިތުރުން އާއިލާތަކުގެ ޑޭޓާ ބޭސްއެއް އެކުލަވާލުމުގެ މަސައްކަތްވެސްކުރަމުންދާކަމަށާއި މި މައުލޫމާތުތަކުގެ އެހީގައި އާއިލާއެއްގެ ތެރޭގައި މައްސަލައެއް އުޅޭނަމަ ކުރިއާލާ ދެނެގަނެވި، އެކަމަށް ހައްލު ހޯދުމަށް ފަސޭހަވެގެންދާކަމަށްވެސް މިނިސްޓަރު ވިދާޅުވިއެވެ.
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
އެމެރިކާގެ ޖޯޖިއާގެ ސްކޫލެއްގައި ދިން ބަޑީގެ ހަމަލާގައި ޝައްކުކުރެވޭ ކުއްޖާގެ ބައްޕަ ހައްޔަރުކޮށްފި
