ތަރައްޤީގެ ދާއިރާއިން ދެ ޤައުމުގެ ގުޅުން ބަދަހިކުރުމާމެދު ޒަމީރު ޤަޠަރުގެ ބޮޑުވަޒީރާ މަޝްވަރާކުރައްވައިފި

ރާއްޖެއާއި ޤަޠަރުގެ މެދުގައި ތަރައްޤީގެ ދާއިރާއިން ގުޅުން ބަދަހިކުރުމާމެދު ޚާރިޖީވަޒީރު މޫސާ ޒަމީރާއި ޤަޠަރުގެ ބޮޑުވަޒީރު އަދި ޚާރިޖީވަޒީރު ޝައިޚް މުޙައްމަދު ބިން ޢަބްދުއްރަޙްމާން ޖާސިމް އައްޘާނީ މަޝްވަރާކުރައްވައިފިއެވެ.

ޤަޠަރަށް ޒަމީރު ކުރައްވަމުންދާ ރަސްމީ ދަތުރުފުޅަކީ ދެ ޤައުމުގެ މެދުގައި އިތުރަށް ގުޅުން ބަދަހިކުރުމާއެކު ރާއްޖެއަށް ބޭނުންވާ އެކި ކަންކަމުގައި ޤަޠަރުގެ އެހީތެރިކަން ހޯއްދެވުމަށް ކުރައްވާ ދަތުރުފުޅެކެވެ.

ބޮޑުވަޒީރު މުޙައްމަދު ބިން ޢަބްދުއްރަޙްމާނާ ބައްދަލުކުރައްވައި ދެއްކެވި ވާހަކަފުޅުގައި ޤަޠަރާއި ރާއްޖޭގެ ދެމެދުގައި އޮތް ގުޅުމުގެ މުހިއްމުކަން ފާހަގަކުރައްވައި، ރާއްޖޭގެ އިޖުތިމާއީ އިޤުތިޞާދީ ތަރައްޤީއަށް ޤަޠަރުން ފޯރުކޮށްދީފައިވާ އެހީތެރިކަމަށް ޒަމީރު ޝުކުރު އަދާކުރެއްވިއެވެ.

Honoured to meet with HE Sheikh Mohammed bin Abdulrahman bin Jassim Al Thani @MBA_AlThani_, Prime Minister & Minister of Foreign Affairs of #Qatar.

We discussed future avenues for collaboration to advance the 🇲🇻-🇶🇦 development partnership. I thanked Qatar’s leadership for their… pic.twitter.com/mhBtqa64G7

— Moosa Zameer (@MoosaZameer) May 12, 2024

މި ބައްދަލުވުމުގައި ދެ ވަޒީރުންވަނީ ދެ ޤައުމުގެ މެދުގައި އޮންނަ ދޭދޭ ގުޅުން އިތުރަށް ބަދަހިކުރުމަށް މަސައްކަތްކުރެއްވުމަށް ދެ ވަޒީރުންވަނީ އެ ބައްދަލުވުމުގައި އެއްބަސްވެވަޑައިގެންފައެވެ.

އަދި ޣައްޒާގައި ހިނގަމުންދާ ހަނގުރާމާގައި ސުލްހަ ޤާއިމުކުރުމަށް ދެ ފަރާތުގެ މެދުގައި ވެރިއެއްގެ ދައުރު އަދާކުރުމަށް ޤަޠަރުނުކުރަމުންދާ މަސައްކަތް ފާހަގަކުރައްވައި އެކަމަށް ޒަމީރުވަނީ ތާރީފުކުރައްވާފައެވެ.

ގިނަ ދައުލަތްތައް ބައިވެރިވާ މަންސަތަކުގައި އަދި ބައިނަލްއަޤުވާމީ ގޮތުން ކަންބޮޑުވާ ކަންކަމުގައި ދެ ދައުލަތް އެކީ ގުޅިގެން މަސައްކަތްކުރުމަށް އެ ބައްދަލުވުމުގައި ދެ މިނިސްޓަރުންވަނީ އެއްބަސްވެވަޑައިގެންފައެވެ.

މި ބައްދަލުވުމުގައި ޒަމީރުގެ އަރިހުގައި ޚާރިޖީވުޒާރާގެ ސެކްރެޓަރީ ބައިލެޓްރަލް ޑރ.ހާލާ ހަމީދާއި، އެމްބެސެޑާ އެޓް ލާޖު ޑރ.ފަޒީލް ނަޖީބާއި އެސިސްޓެންޓް ޑިރެކްޓާ ލަމްހާ ސަލީމު ބައިވެރިވެވަޑައިގެންނެވިކަމަށް ޚާރިޖީވުޒާރާއިން ބުނެފައިވެއެވެ.