އިންޑިއާގެ ޚާއްޞަ ހުއްދައިގެ ދަށުން އެ ޤައުމުން ބޭރުކުރާ ބައެއް މުދާ ރާއްޖެއަށް ބޭރުކުރަން ހުއްދަދީފައިވާ ކޯޓާ އިތުރުކުރުމަށް އެ ޤައުމުން ނިންމި ނިންމުމަކީ ދެ ގައުމުގެ ދެމެދުގައި އޮތް ގާތް ގުޅުން ދޭހަކޮށްދޭ ކަމެއް ކަމަށް ސަރުކާރުން ބުނެފިއެވެ.
އަސާސީ މުދާ އެތެރެކުރުމަށް އިންޑިއާ އިން ދީފައިވާ ކޯޓާ އިތުރުކުރުމާ ގުޅިގެން ފޮރިން މިނިސްޓަރު މޫސާ ޒަމީރު ވަނީ އިންޑިއާ ސަރުކާރާއި އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސް ޖައިޝަންކަރަށް ޝުކުރު އަދާކުރައްވާފައެވެ.
އަދި މިއީ ދެ ގައުމުގެ ޒަމާންވީ އެކުވެރިކަން ދައްކުވައިދޭ ކަމެއް ކަމަށް ވެސް މިނިސްޓަރު ޒަމީރު ވިދާޅުވިއެވެ.
އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ރާއްޖެއިން އެދިގެން އަސާސީ ތަކެތީގެ ކޯޓާ އިންޑިއާއިން ވަގުތުން އިތުރުކޮށްދިނުމުން ދޭހަކޮށްދެނީ ދެގައުމުގެ ގާތް ގުޅުން ކަމަށާއި ދެ ގައުމުގެ ގުޅުން އިތުރަށް ފުޅާކޮށް ކުރިއެރުވުމަށް ދެގައުމުން ބޭނުންވާކަން އަންގައިދޭ ކަމަށެވެ.
އަދި އެ ޤައުމުގެ "ނެއިބާހުޑް ފަސްޓް" ސިޔާސަތުގެ ދަށުން، އިންޑިއާއިން އިންސާނާ ވަށައިގެން ގެންނަ ތަރައްޤީ ރާއްޖެއަށް ގެނައުމަށް އެހީތެރިވުމުގައި ދެމިއޮންނާނެ ކަމަށްވެސް އިންޑިއާ ހައިކޮމިޝަނުން ބުންޏެވެ.
ބަންދުގައި ބަހައްޓައިގެން ކޯޓަށް ހާޒިރުކުރުމަށް މީހަކު ހޯދަނީ
ކުޑަގިރި ފަޅަށް އެއާ މޯލްޑިވްސްގެ ދެ ބޯޓެއް ފައްތާލައިފި
މޯލްޑިވިއަން އިން ހަނިމާދޫ އިން ބެންގަލޫރަށް ދަތުރުތައް ފަށަނީ
އެސްޑީއެފްސީގެ މެނޭޖިން ޑިރެކްޓަރު ފިފްޝީން މަގާމުން ވަކިކޮށްފި
