ސަރުކާރުން ދޭ ރޯދަ ހަދިޔާ އެސްޓީއޯ ކާޑު ގުދަނުން ދޫކުރާގޮތަށް ބަދަލުކޮށްފި

ރަމަޟާން މަހު ރާއްޖޭގެ ހުރިހާ ގޭބީސީތަކަށް ސަރުކާރުން ބަހާ ހަނޑުލާއި ފުށް ދެން ލިބޭނީ އެސްޓީއޯގެ ކާޑު ގުދަންތަކުން ކަމަށް އެސްޓީއޯއިން ބުނެފިއެވެ.

އެސްޓީއޯއިން ބުނީ ރަމަޟާން މަހަށް ހާއްސަކޮށްގެން ސަރުކާރުގެ ފަރާތުން ކޮންމެ ގޭބީސީއަކަށް ހަދިޔާކުރާ 10 ކިލޯ ބާސްމަތީ ހަނޑޫ އަދި 10 ކިލޯ ފުށް މާލެ ސަރަހައްދުން ނުގެންދެވި ހުރި ފަރާތްތަކަށް މިއަދުން ފެށިގެން ރަމަޟާން މަހުގެ ފަހު ދުވަހާ ހަމައަށް އެސްޓީއޯގެ ކާޑު ގުދަނުން ލިބޭނެ ކަމަށެވެ.

ރަމަޟާން މަހު ސަރުކާރުން ދިވެހިންނަށް ދޫކުރާ ހަދިޔާ ދޫކުރާނީ ޑޮމެސްޓިކް ކަރަންޓް މީޓަރުގެ ނަންބަރު ބެލުމަށް ފަހު، ބަލާ އަންނަ ފަރާތުގެ އައިޑީކާޑު ނަންބަރާއި ނަން ނޯޓު ކުރުމަށްފަހުއެވެ.

މި ތަކެތި ދޫކުރަނީ ކޮންމެ ދުވަހެއްގެ 10:00 އިން މެންދުރު ފަހު 1:00 އަށެވެ.