ބާސެލޯނާ އެއްވަރުވިއިރު ޖިރޯނާ ބަލިވެއްޖެ

ސްޕެނިޝް ލީގުގައި ބާސެލޯނާ ރޭ އެތުލެޓިކް ބިލްބާއޯއާ ދެކޮޅަށް ރަށުން ބޭރުގައި 0-0 އިން އެއްވަރުވިއިރު މަޔޯކާ އަތުން ރަށުން ބޭރުގައި ޖިރޯނާ 0-1 އިން ބަލިވެއްޖެ އެވެ.

ބާސެލޯނާ އާއި ޖިރޯނާ އަކީ ރެއާލްގެ ފަހަތުން މި ސީޒަނުގެ ލީގަށް ވާދަކުރަން މަސައްކަތްކުރާ ދެ ޓީމެވެ. ލީގުގައި މި ހަފްތާ ރެއާލް ވެސް ވަނީ އެއްވަރުވެފަ އެވެ. އެހެންވެ ރޭގެ މެޗުން މޮޅުވެގެން ބާސެލޯނާ އާއި ޖިރޯނާ އަށް، ރެއާލްއާ ގާތްކުރަން ފުރުސަތު ލިބުނީހެވެ، އެކަމަކު އޭގެ ފައިދާ ނުނެގުމުން ރެއާލް ވަނީ އެއް ވަނައިގެ މަގާމާ އެކު އެ ލީޑުގައި ދަމަހައްޓައިފަ އެވެ.

މެޗުގައި ބާސެލޯނާ އަށް ގޯލު ޖަހާނެ ގިނަ ފުރުސަތުތައް ލިބި ބޭކާރުވި އެވެ.

ޖިރޯނާ ބަލިވިި މެޗުގައި މަޔޯކާގެ ހަމައެކަނި ގޯލު 33 ވަނަ މިނެޓުގައި ޖެހީ ހޯސޭ މެނުއަލް ކޮޕީޓް އެވެ.

ލީގުގައި ރޭ އެތުލެޓިކޯ މެޑްރިޑް ވަނީ ރެއާލް ބެޓިސް އަތުން 1-2 އިން މޮޅުވެފަ އެވެ.

ރޭގެ މެޗުތަކަށް ފަހު ލީގުގެ އެއް ވަނައިގައި ރެއާލް މެޑްރިޑް އޮތީ 66 ޕޮއިންޓާ އެކު އެވެ. ދެ ވަނައިގައި އޮތް ޖިރޯނާ އަށް 59 ޕޮއިންޓް ލިބިފައިވާއިރު ބާސެލޯނާ އަށް ލިބިފައިވަނީ 58 ޕޮއިންޓެވެ. މޮޅާ އެކު އެތުލެޓިކޯ މެޑްރިޑް ވަނީ 55 ޕޮއިންޓާ އެކު ބާސެލޯނާ އަދި ޖިރޯނާއާ ގާތަށް ޖެހިލާފަ އެވެ.

ސްޕެނިޝް ލީގުގައި ރޭ ވިޔަރެއާލް ވަނީ އަމިއްލަ ދަނޑުގައި 1-5 އިން ގްރަނާޑާ ބަލިކޮށްފަ އެވެ. ވިޔަރެއާލް މިހާރު އޮތީ 12 ވަނައިގަ އެވެ.