Tuesday
14th Jan 2025
English Edition
ސައޫދީގައި ހަނދު ސާބިތުކުރުމުގެ މަސްއްކަތުގައި ބަޔަކު ހަރަކާތްތެރިވަނީ
ކުރީ އަހަރުތަކެކޭ ވެސް އެއްފަދައިން މި އަހަރު ވެސް ރަމަޟާން މަހުގެ ހަނދު ސާބިތު ކުރުމަށްޓަކައި މި އަހަރުގެ ރަމަޟާން މަހުގެ ހަނދު ބެލުން މި ފެށޭ މާރިޗު މަހުގެ 10 ވަނަ ދުވަހު އޮންނާނެ ކަމަށް ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން ބުނެފިއެވެ.
1445 ވަނަ އަހަރުގެ ރަމަޟާން މަހުގެ ހަނދުބެލުމާ ގުޅޭ ގޮތުން ޑީޖޭއޭއިން ނެރުނު ބަޔާނެއްގައި ބުނީ ހަނދު ދުށް މީހަކު ނުވަތަ ބަޔަކު ހެކިބަސް އަދާކުރުމަށް ހަމަޖެހިފައި ވަނީ މާލޭގައިނަމަ، މާލޭގެ ކޯޓެއްގެ ގާޒީއެއްގެ ކުރިފުޅު މަތީގައި އަދި އަތޮޅު ތެރޭގެ ރަށެއްގައިނަމަ އެ ރަށެއްގެ މެޖިސްޓްރޭޓް ކޯޓުގެ މެޖިސްޓްރޭޓުގެ ކުރިފުޅު މަތީގައި ކަމަށެވެ.
ނަމަވެސް މެޖިސްޓްރޭޓެއް ގާއިމުގެ ނެތް ރަށެއްގައިނަމަ، އެ ވަގުތަކު އެ ރަށުގެ ރަށު ކައުންސިލްގެ އިދާރާ ހިންގެވުމާ ހަވާލުވެ ހުންނެވި އިސް ވެރިއެއްގެ ކުރިފުޅު މަތީގައި ކަމަށް ޑީޖޭއޭއިން ބުންޏެވެ.
ޑީޖޭއޭއިން ބުނީ ހަނދު ފެނިގެން އެ މައުލޫމާތު ދޭއިރު ގާތްގަޑަކަށް ހަނދުހުރި އުސްމިނާއި، މިސްރާބާއި، އަދި މި ނޫން ވެސް މިފަދަ މުހިންމު މައުލޫމާތު ދޭންވާނެ ކަމަށެވެ.
ރަމަޟާން މަހުގެ ހަނދުގެ މައްސަލަ ވަކިގޮތަކަށް ނިމެންދެން މާޗު 10 ވަނަ ދުވަހުގެ ހަވީރު 5:30 އިން ފެށިގެން އެ އިދާރާއާއި ރަށްރަށުގެ މެޖިސްޓްރޭޓް ކޯޓުތަކާއި، ރަށު ކައުންސިލްގެ އިދާރާތަކާއި، އަތޮޅު ކައުންސިލްގެ އިދާރާތައް ހުޅުވިފައި ހުންނާނެ ކަމަށް ޑީޖޭއޭއިން ބުންޏެވެ.
''ވީމާ، މި އަހަރުގެ ރަމަޟާން މަހުގެ ހަނދު ދުށް މީހަކު ނުވަތަ ބަޔަކު ވީހައި އަވަހަކަށް މާލޭގައިނަމަ، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް ރަށްރަށުގައިނަމަ، އެ ރަށެއްގެ މެޖިސްޓްރޭޓް ކޯޓަށް، އަދި މެޖިސްޓްރޭޓަކު ޤާއިމުވެ ނެތް ރަށެއްގައިނަމަ، އެ ރަށެއްގެ ރަށު ކައުންސިލްގެ އިދާރާއަށް ޙާޟިރުވެ ހަނދާބެހޭ މައުލޫމާތު ދެއްވުން އެދެމެވެ.''ރައީސް
ޑީޖޭއޭއިން ބުނީ ހެކިބަސް އަދާކުރުމަށްޓަކައި އައުމާއި، ދިއުމުގެ ޚަރަދު ދޭ ގޮތަށް ވަނީ ހަމަޖެހިފައިވާ ކަމަށެވެ.
އެންމެފަސް
ބައި-އިލެކްޝަނުގެ ވޯޓު ފޮށި ބަހައްޓާނެ ތަންތަން އިއުލާނުކޮށްފި
އިވެލުއޭޝަން ކުރިއަށް ގެންދަނީ ފައިނަލް ފްލެޓު ލިސްޓުގައި ހިމެނޭ މީހުންގެ މެދުގައި: މުއްތަލިބް
ފަތުރުވެރިކަން ނެތް ރަށްތަކަށް އިންވެސްޓްމަންޓް ހޯދަން ލުއިތަކެއް ދޭން މަސައްކަތް ކުރަނީ
އާރަށު މައްސަލަ: އާ ހެކިތައް ބަލައިގަތުމާ ގުޅޭ އަޑުއެހުމެއް ހޯމަ ދުވަހު