ހަރަދު ކުޑަކުރުމުގެ ގޮތުން ދަތުރުތައް މަދުކުރަން ވާނީ އަންގާފައި: ރައީސް
ސަރުކާރުގެ ހިންގުމަށް ކުރާ ޚަރަދުތައް ކުޑަކުރުމަށްޓަކައި ހުރިހާ މިނިސްޓްރީތަކާއި ސަރުކާރުގެ ކުންފުނިތަކަށް ވެސް ރާއްޖެއިން ބޭރަށް ކުރާ ދަތުރުތައް މުޅިން ހުއްޓާލަން އަންގާފައިވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ، މިއަދު ގދ. ފަރެސްމާތޮޑާއަށް ވަޑާއިގެން އެރަށު ރައްޔިތުންނާ ބައްދަލުކޮށް ދެއްކެވި ވާހަކަފުޅުގައެވެ.
ސަރުކާރު ހިންގުމަށް ހޭދަކުރާ ޚަރަދާ ގުޅިގެން ވާހަކަފުޅު ދައްކަވަމުން ރައީސް ވިދާޅުވީ، ކޮންމެހެން ކުރަން ޖެހޭ ކަންކަން ނޫނީ ނުކުރަން ހުރިހާ މިނިސްޓްރީތަކަށާއި، ކުންފުނިތަކަށް މިހާރު އަންގާފައިވާނެ ކަމަށެވެ.
" މިސާލަކަށް ރާއްޖޭން ބޭރަށް ދަތުރުތައް ކުރުން ކަހަލަ ކަންކަން ހުއްޓާލަން މިހާރު ވާނީ އަންގާފައި އެފަދަ ހަރަދުތައް ސަރުކާރުގެ މިނިސްޓްރީއަކުން އަދި ކުންފުންޏަކުން ދެން ނުކުރާނެ ކަމުގެ ޔަގީންކަން ދެން."ރައީސް ވިދާޅުވިއެވެ.
ރައީސް ވިދާޅުވީ، ކުރިއަށް އޮތް ތަނުގައި އެމަނިކުފާނު ކުރިއަށް އޮތް ތަނުގައިވެސް ރަށްރަށަށް ކުރައްވާ ދަތުރުތައް މަދުކޮށް މިއަށްވުރެ ޚަރަދުކުޑަކުރުމަށް ވީހާވެސް ބޮޑަށް ބައްލަވާނެ ކަމަށް ވިދާޅުވިއެވެ.
ޣައްޒާގައި ޝަހީދުކޮށްލި މީހުންގެ އަދަދު 42،000 އަށް އަރައިފި
މޫސުން ގޯސްވެ މުޅި ރާއްޖެއަށް ހުދު ސަމާލު ނެރެފި
45 އަހަރުނުވާ އަންހެނުން މަހުރަމަކާ ނުލައި އުމްރާއަށް ނުގެންދެވޭ ގޮތަށް އުސޫލު ބަދަލުކޮށްފި
އުރީދޫއިން ކަސްޓަމަރުންގެ ދުވަސް ފާހަގަކޮށްފި
