ބަޙްރެއިންގެ ޚާރިޖީ ވަޒީރާއި ރާއްޖޭގެ ޚާރިޖީ ވަޒީރު ބައްދަލުކުރައްވައިފި

ދިވެހިރާއްޖޭގެ ޚާރިޖީ ވަޒީރު މޫސާ ޒަމީރު, ބަހްރެއިންގެ ޚާރިޖީ ވަޒީރު އަބްދުއްލަތީފް ބިން ރާޝިދް އަލް ޒަޔާނީ އާއި ބައްދަލުކުރައްވައިފިއެވެ.

ޖަރުމަނުގެ ބާރލިންގައި ކުރިއަށްދިޔަ މިއުނިކް ސެކިއުރިޓީ ކޮންފަރެންސްގެ ޙަވާސާގައި ބޭއްވުނު މި ބައްދަލުވުމުގައި ދެ ޤައުމުގެ ފަރާތުން ސިޔާދަތީ ގުޅުން އިތުރަށް ބަދަހި ކުރުމާ ގުޅޭގޮތުން ވާހަކަދެކެވުނެވެ.

އަދި މީގެ އިތުރުން, ދެޤައުމުގެ ރައްޔިތުންގެ ލާބައާއި މަންފާއަށް ކުރެވެންހުރި ކަންތައްތަކާއި ބެހޭގޮތުން ދެޤައުމުގެ ޚާރިޖީ ވަޒީރުން މަޝްވަރާކުރެއްވިއެވެ.

ބަހްރެއިން އާއި ދިވެހިރާއްޖެއާއި ދެމެދު ސިޔާސީ ގުޅުން ޤާއިމު ކުރެވުނީ މީލާދީން 1980 ވަނަ އަހަރުގެ މާރިޗް މަހުގެ 24 ވަނަ ދުވަހުއެވެ.