ޕާކިސްތާނުގެ ހައިކޮމިޝަނަރާއި ޓޫރިޒަމް މިނިސްޓަރ ފައިސަލް ބައްދަލުކުރައްވައިފި

ޕާކިސްތާނުން ރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރ ވައިސް އެޑްމިރަލް ރިޓަޔަރޑް މުޙައްމަދު ފައްޔާޒް ގިލާނީ އާއި ރާއްޖޭގެ ޓޫރިޒަމް މިނިސްޓަރ އިބްރާހިމް ފައިސަލް ބައްދަލުކުރައްވައިފިއެވެ.

މިއަދު ޓޫރިޒަމް މިނިސްޓްރީގައި ބޭއްވުނު ބައްދަލުވުމުގައިި ޓޫރިޒަމް މިނިސްޓަރުގެ އިތުރުން މޯލްޑިވްސް މާކެޓިންގ ޕަބްލިކް ރިލޭޝަންސް ކޯޕަރޭޝަންގެ ގެ ޑެޕިއުޓީ މެނޭޖިންގ ޑިރެކްޓަރ ޒިހުނީ ރަޝީދު ބައިވެރިވެލެއްވިއެވެ.

ޕާކިސްތާނުގެ ހައިކޮމިޝަނަރާއި މިނިސްޓަރ ފައިސަލްގެ ބައްދަލުވުމުގައި ދެޤައުމުގެ ދެމެދުގައި ފަތުރުވެރިކަމުގެ ދާއިރާއިން އެއްބާރުލުން އިތުރު ކުރުމާއި އެކި ދާއިރާތަކުގައި ހުރި އިންވެސްޓްކުރުމުގެ ފުރުސަތުތަކާއި ބެހޭގޮތުން ވާހަކަ ދެކެވުނެވެ. އަދި ދިވެހިރާއްޖެ ފަތުރުވެރިކަމުގެ މަންޒިލެއްގެ ގޮތުގައި ޕްރޮމޯޓް ކުރުމާބެހޭ މަޝްވަރާތައްވެސް ކުރެވުނެވެ.