މަސް ރައްކާކުރުމަށް ދިމާވެފައި އޮތް ސްޓޯރޭޖު ކެޕޭސިޓީ އާއި އައިސްގެ މައްސަލަ ކުރިއަށް އޮތް 18 މަސްދުވަސްތެރޭ އެއްކޮށް ހައްލުކުރައްވާނެކަމަށް މަސްވެރިކަމާއި ބެހޭ ވަޒީރު އަހްމަދު ޝިޔާމް ވިދާޅުވެއްޖެއެވެ.
މަސްވެރިކަމުގެ ސިނާއަތު މިހާރު އޮތް މިންވަރަށްވުރެ ފުޅާކުރުމުގެ ގޮތުން މަސް ބަންދުކުރާ ކާރުޚާނާތަކާއި، މަސް ރައްކާކުރާ ވަސީލަތްތަކާއި އައިސް ޕުލާންޓުތައް އިތުރުކުރުމަކީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ރިޔާސީ ވައުދުފުޅެކެވެ.
އޭގެ އިތުރަށް އެމަނިކުފާނުގެ ވެރިކަމުގެ ފުރަތަމަ 100 ދުވަހުގެ ތެރޭގައި މަސްވެރިންނަށް ކުރިމަތިވެފައި ހުރި ދަތިތައް ހައްލުކުރެއްވުމުގެ ގޮތުން މަސްވެރިންގެ ދަފުތަރެއް އެކުލަވައިލާ، މަސްވެރިކަމަކީ ވަޒީފާއެއްކަމަށް ބަލައި، މާލީ އިދާރާތަކުން އެހެނިހެން ވަޒީފާތައް އަދާކުރާ މީހުންނަށް ލިބޭ ޚިދުމަތްތައް މަސްވެރިންނަށް ލިބޭނެ އިންތިޒާމު ހަމަޖެއްސުން ހިމަނުއްވާފައިވެއެވެ.
ރައީސް ޑރ.މުޢިއްޒުގެ މެނިފެސްޓޯގައި ގެދޮރުވެރިކަމުގެ މައްސަލައަށްފަހު، އެންމެ ބޮޑު އިސްކަމެއް ދެއްވާފައިވާ އެއް ދާއިރާއަކީ މަސްވެރިކަމުގެ ސިނާއަތު އިތުރަށް ތަރައްޤީކޮށް ފުޅާކުރުމެވެ.
އަލިފާނުގެ ހާދިސާއާ ގުޅިގެން ރެެހެންދި އެވޯޑު ހަފްލާ ފަސްކޮށްފި
އިޔާދަކުރަނިވި ހަކަތައިގެ ލަނޑުދަނޑިތައް ހާސިލްކުރަން އެހީ ބޭނުންވޭ: ޒަމީރު
އޮންލައިންކޮށް ހުށަހަޅާ ޕާސްޕޯޓުތައް ހުޅުމާލެއިން ނެގޭނެ އިންތިޒާމް ހަމަޖައްސައިފި
އެމްޑީޕީގެ ވެރިން ކުރި ވައްކަންތައް ތަހުޤީޤުކޮށް ދިގުމުއްދަތަށް ޖަލަށް ލާންޖެހޭ: އަޒާން
