ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން އެކުލަވާލި މަރުކޮމިޝަނުގެ ރިޕޯތްތައް އާންމުކޮށް އެމައްސަލަތަކުގައި އިހުމާލުވެފައިވާ ފަރާތްތަކާމެދު ފިޔަވަޅު އަޅަން ހަ ޖަމިއްޔާއަކުން ސަރުކާރަށް ގޮވާލައިފިއެވެ.
ކުރިއަށްގެންދިޔަ ތަހުގީގުތަކުގެ ފުރިހަމަ ރިޕޯޓުތައް އާންމުކޮށް އެ ކަމުގައި އިހުމާލުވާ ދައުލަތުގެ އިދާރާތަކާ ދެކޮޅަށް ފިޔަވަޅު އެޅުމަށް ރާއްޖެ އާއި ބައިނަލްއަގްވާމީ ހަ ޖަމިއްޔާއެއް ހިމެނޭހެން މިވަނީ ގޮވާލާފައެވެ.
މި މައްސަލަ ބެލުމަށް ގޮވާލީ ހިއުމަން ރައިޓްސް ވޮޗް, ޓްރާންސްޕޭރެންސީ މޯލްޑިވްސް, ރިޕޯޓާސް ވިތައުޓް ބޯޑާސް, މޯލްޑިވްސް ޖާނަލިސްޓްސް އެސޯސިއޭޝަން, އިންޓަނޭޝަނަލް ފެޑެރޭޝަން އޮފް ޖާނަލިސްޓްސް އަދި އެސޯސިއޭޝަން ފޯ ޑިމޮކްރަސީ އިން ދަ މޯލްޑިވްސްއެވެ.
ރާއްޖެއިން ގެއްލުވާލި ނޫސްވެރިޔާ އަހުމަދު ރިޟްވާންގެ މައްސަލައިގައި މަރުކޮމިޝަނުން ކުރި ތަހުޤީޤީ ރިޕޯޓް އާންމުކޮށް ބްލޮގަރު ޔާމީން ރަޝީދުގެ މައްސަލަ އާއި ރިލްވާންގެ މައްސަލައާ ގުޅިގެން ތިން މީހެއްގެ މައްޗަށް ދައުވާ އުފުލުނެވެ. ނަމަވެސް 22 ނޮވެމްބަރ 2022 ވަނަ ދުވަހު އެ ދައުވާތައް ކްރިމިނަލް ކޯޓުން ވަނީ ބޭރުކޮށްލާފައެވެ.
މިކަމަކީވެސް އެ ޖަމިއްޔާތަކުން ކަންބޮޑުވާ ކަމެއް ކަމުގައި ވަނީ ބުނެފައެވެ. އަދި ތަހުގީގީ އިދާރާތަކުން މި މައްސަލަތަކުގެ ތަހުގީގުގައި ނިންމާފައިވާ ނިންމުންތަކާ މެދު އެ ޖަމިއްޔާތަކުން ވަނީ ސުވާލު އުފައްދާފަ އެވެ.
މައްސަލަތައް ސިއްރުކުރުމުގެ އިތުރުން ނޫސްވެރިންނާ ދެކޮޅަށް ހިންގިފައިވާ ބޮޑެތި ކުށްތަކުގެ މައްސަލަތައް ސިޔާސީ ޕާޓީތަކުން އަމިއްލަ ފައިދާއަށް ބޭނުން ކުރުމުގެ ނަތީޖާއެއްގެ ގޮތުން ތަހުގީގީ އިދާރާތަކާއި, ޝަރުއީ ނިޒާމަށް ރައްޔިތުންގެ މެދުގައި އޮތް އިތުބާރު މުޅިން ހެން ނެތިގޮސްފައިވާކަން އެޖަމިއްޔާތަކުން ނެރުނު ބަޔާނުގައި ބުނެފައިވެއެވެ.
މޫސުން ގޯސްވެ މުޅި ރާއްޖެއަށް ހުދު ސަމާލު ނެރެފި
45 އަހަރުނުވާ އަންހެނުން މަހުރަމަކާ ނުލައި އުމްރާއަށް ނުގެންދެވޭ ގޮތަށް އުސޫލު ބަދަލުކޮށްފި
އުރީދޫއިން ކަސްޓަމަރުންގެ ދުވަސް ފާހަގަކޮށްފި
ރަށް ރަށަށް ޒިޔާރާތްކޮށް ގައުމީ ތަރައްގީގެ ޕްލޭނަށް ރައްޔިތުންގެ ޚިޔާލު ހޯދާނެ: ހައިދަރު
