ސްޕެޝަލް އެންވޯއީ ފޯ ކްލައިމެޓް ޗޭންޖްގެ މަގާމަށާއި އިތުރު މަޤާމުތަކަށް ބޭފުޅުން އައްޔަންކުރައްވައިފި

ސްޕެޝަލް އެންވޯއީ ފޯ ކްލައިމެޓް ޗޭންޖުގެ މަޤާމުގެ އިތުރަށް ސަރުކާރުގެ ބައެއް ވުޒާރާތަކުގެ ސްޓޭޓު މިނިސްޓަރުންގެ މަޤާމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު 11 ބޭފުޅަކު އައްޔަންކުރައްވައިފިއެވެ.

ރައީސް ޑރ.މުޢިއްޒު ސްޕްޝަލް އެންވޯއީ ފޯ ކްލައިމެޓް ޗޭންޖުގެ މަޤާމަށް އައްޔަންކުރެއްވީ މއ.ނައިލޯނުގެ، އަލީ ޝަރީފެވެ. އަދި އިތުރު 11 ބޭފުޅަކު އެކި ވުޒާރާތަކުގެ ސްޓޭޓު މިނިސްޓަރުކަމަށް އައްޔަންކުރައްވާފައިވެއެވެ. އެ ބޭފުޅުންނަކީ:

މިއަދު މަޤާމުތަކަށް އައްޔަންކުރެއްވި ބޭފުޅުންނަށް މަޤާމުގެ ފަތްކޮޅު ދެއްވުމުގެ ރަސްމިއްޔާތު އޮތީ ރައީސުލްޖުމްހޫރިއްޔާގެ އޮފީހުގައެވެ.

ރައީސް އިބްރާހީމްގެ ވެރިކަމުގައި ސިޔާސީ މަގާމުތައް އިންތިހާއަަށް ގިނަވެ ދައުލަތަށް މާލީ ބުރަ އަކަށް ވެފައި ވަނިކޮށް ރައީސް ޑރ. މުއިއްޒު ވަނީ ސަރުކާރުގެ ސިޔާސީ މަގާމުތަކުގެ އަދަދު 700 އަށް ވުރެ ގިނަ ނުކުރައްވާނެ ކަމަށް ވިދާޅުވެފައި އެވެ.

ރައީސް އިބްރާހިމް 2018 ވަނަ އަހަރުގެ ރިޔާސީ އިންތިޚާބުގެ ކެމްޕެއިނުގައި ކުރީގެ ރައީސް ޔާމީނުގެ ސަރުކާރަށް އެންމެ ބޮޑަށް ފާޑުވިދާޅުވެފައިވާ އެއްކަމަކީ އެ ސަރުކާރުގައި ސިޔާސީ މަޤާމުތައް ގިނަވުމެވެ. ނަމަވެސް ދައުރު ނިމުނު އިރު ސިޔާސީ މަޤާމުތަކުގައި ތިއްބެވި ބޭފުޅުންގެ އަދަދު އެތައް ސަތޭކައެއް އިތުރުވެ 1،000 އަށްވުރެ މައްޗަށް ގޮސްފައިވާކަން ބަޖެޓުގެ ހިސާބުތަކުން ފާހަގަވެއެވެ.

ރައީސް ޑރ. މުއިއްޒު ސިޔާސީ މަގާމުތަކުގެ އަދަދު 700 އަށް ލިމިޓްކުރެއްވުމުން ވަރަށް ގިނަ ރައްޔިތުން ވަނީ އެ ނިންމުން ބަލައިގަނެ، ތަރުހީބު ކޮށް ޝުއޫރު ފާޅުކޮށްފައެވެ.