ހުޅުމާލޭގައި ނުރައްކާތެރި އެކްސިޑެންޓެއް ހިނގައިފި

ހުޅުމާލޭގައި ނުރައްކާތެރި އެކްސިޑެންޓެއް ހިނގައި 4 މީހަކަށް އަނިޔާވެއްޖެއެވެ.

މިއެކްސިޑެންޓް ހިނގާފައިވަނީ މިރޭ ހުޅުމާލޭ ސެންޓަރަލް ޕާކު ކައިރީގައެވެ. އެ ސަރަހައްދުގައި މިހާރު ފުލުހުން ދަނީ ހަރަކާތްތެރިވަމުންނެވެ.

ފުލުހުން ވިދާޅުވީ މިރޭ ހުޅުމާލޭ ސެންޓަރަލް ޕާކު ކައިރީގައި ކާރަކާއި ތިން ސައިކަލް ޖެހިގެން އެކްސިޑެންޓެއް ހިގި ކަމަށާއި މިއެކްސިޑެންޓުގައި 4 މީހަކަށް އަނިޔާވި ކަމަށެވެ.

މި ހާދިސާގައި އަނިޔާވި މީހުންނަށް ހޮސްޕިޓަލުގައި ދަނީ ފަރުވާ ދެމުންނެވެ. އަނިޔާވި މީހުންގެ ތެރެއިން އަންހެނަކާއި ފިރިހެނެއްގެ ހާލު ސީރިއަސްކަމަށް މައުލޫމާތު ލިބިފައިވެއެވެ.

މި އެކްސިޑެންޓް ހިނގި ގޮތް ފުލުހުން ދަނީ ތަހުގީގު ކުރަމުންނެވެ.