މީގެ ހަތް އަހަރު ކުރިން ހަށިވިއްކި މައްސަލައެއްގައި ދައުވާކުރި ދެ މީހެއްގެ މައްޗަށް ކުށް ސާބިތުވެ އެ ދެމީހުން ހަތަރު މަހާއި 24 ދުވަހަށް ޖަލަށްލުމަށް ކްރިމިނަލް ކޯޓުން ހުކުމް ކޮށްފިއެވެ.
ކްރިމިނަލް ކޯޓުން އެ ހުކުމް އިއްވީ ސ. ހިތަދޫ، ސްޕަންޖްގެ، މަރްޔަމް އަޝްފާ އާއި ނ. ވެލިދޫ، ގުލިސްތާނުގެ، އާއިޝަތު ރިޒްނާގެ މައްޗަށެވެ.
އެ ކޯޓުން އެ ދެމީހުންގެ މައްޗަށް އިއްވި ހުކުމުގެ ތަފުސީލީ ރިޕޯޓް މުޖުތަމައުގެ އަހުލާގީ އުސޫލުތައް ހިފެހެއްޓުމުގެ ގޮތުން ކޯޓުން އާންމެއް ނުކުރި ނަމަވެސް ކޯޓުން ބުނިގޮތުގައި ކުށް ސާބިތުވީ އެ ދެމީހުން ވެސް ޝަރީއަތުގައި ދައުވާއަށް އިންކާރުކޮށްފައި ވަނިކޮށެވެ.
ކްރިމިނަލް ކޯޓުން ބުނީ ކުށަށް އިންކާރު ކުރި ނަމަވެސް މީހަކު ކުށެއް ކޮށްފިކަން އެކަށީގެންވާ މިންވަރެއްގެ ޝައްކެއްނެތި ޝަރީއަތަށް ސާބިތުކުރުމަށް ބޭނުންވާ މިންވަރަށް ހެކި ލިބިފައިވާ ކަމަށެވެ.
އެހެންވެ ކްރިމިނަލް ކޯޓުގެ ގާޒީ ހުސައިން ފާއިޒް ރަޝާދު ހުކުމް ކުރެއްވީ އެ ދެމީހުންގެ މައްޗަށް ކުށް ސާބިތުވާ ކަމަށެވެ.
އެ ކޯޓުން ބުނީ އެ ކުށުގެ އުގޫބާތެއްގެ ގޮތުން ގާނޫނުއަސާސީ އާއި ގާނޫނުލްއުގޫބާތުގެ ދަށުން އެ ދެމީހުން ކުރެ ކޮންމެ މީހަކު ހަތަރު މަހާއި 24 ދުވަހުގެ މުއްދަތަށް ޖަލަށް ލުމަށް ހުކުމް ކުރާ ކަމަށެވެ.
ޕާޓީތަކަށް މެންބަރުން ވެއްދުން ވަގުތީ ގޮތުން މެދުކަނޑާލައިފި
ރައީސްގެ ހުއްދަ ހޯދައިގެން މެނުވީ މާލީ ލުޔެއް ނުދެވޭނެ އުސޫލެއް
އެސްޓޯނިއާގެ ޓާރްޓޫ ޔުނިވަރސިޓީއަށް ރައީސް ޒިޔާރަތްކުރައްވައިފި
ދެ ހަފްތާއިން 90 ހާހަށްވުރެ ގިނަ ފަތުރުވެރިން ރާއްޖެ ޒިޔާރާތްކޮށްފި
