އެންމެ ފަހުން އިމްރާންވެސް ޑރ.މުއިއްޒަށް މަރުހަބާ ދަންނަވައިފި

ހޯމް މިނިސްޓަރު އިމްރާން އަބްދުﷲ ދިވެހިރާއްޖޭގެ އިންތިހާބީ ރައީސް ޑރ.މުހައްމަދު މުއިއްޒަށް މަރުހަބާ ވިދާޅުވެއްޖެއެވެ.

އިމްރާން މިއަދު ކުރެއްވި ޓްވީޓެއްގައި ވިދާޅުވީ ދިވެހިން ގޮތް ނިންމައިފިކަމަށެވެ.

އަދި އިންތިޚާބީ ރައީސް ޑރ. މުޙައްމަދު މުއިއްޒަށް ގުޅުއްވާ އެމަނިކުފާނަށް މަރުހަބާ ދަންނަވާފައިވާކަމަށްވެސް އިމްރާން ވިދާޅުވިއެވެ.

އިމްރާން އިތުރަށް ވިދާޅުވީ މި ހަލަބޮލި ދުވަސްވަރު ވެރިކަންކުރުމަކީ ފަސޭހަކަމެއްކަމަށް ނުފެންނަކަމަށާއި އެހެންވެ ހެޔޮގޮތުގައި ސާބިތުވެ ހުންނެވުމަށް ޑރ. މުއިއްޒުއަށް ނަސޭހަތްތެރިވެވަޑައިގަންވާފައި ވާނެކަމަށެވެ.

އިއްޔެ ބޭއްވި ރިޔާސީ އިންތިހާބުގެ ދެވަނަ ބުރު ޑރ.މުއިއްޒު ކާމިޔާބު ކުރެއްވީ 53 އިންސައްތަ ވޯޓުންނެވެ.