ސަރުކާރަށްވެސް ދެން އޮތް އެންމެ ބުއްދިވެރި ގޮތަކީ ޑރ. މުއިއްޒުއަށް ތާއީދުކުރުން: އަލީ

ސަރުކާރަށްވެސް ދެން އޮތް އެންމެ ބުއްދިވެރިގޮތަކީ އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއަށް ތާއީދުކުރުންކަމަށް ޖަމްޢިއްޔަތުއް ސަލަފުގެ އިސް ހަރަކާތްތެރިޔާ އަލީ ރަމީޒު ވިދާޅުވެއްޖެއެވެ.

އަލީ ރަމީޒް މިއަދު ކުރެއްވި ޓްވީޓެއްގައި ވިދާޅުވެފައިވަނީ ސަރުކާރަށްވެސް ދެން އޮތް އެންމެ ބުއްދިވެރި ގޮތަކީ ޑރ. މުއިއްޒުއަށް ތާއީދުކޮށް އެކަން ވީހާވެސް އަވަހަކަށް އިއުލާނުކުރުން ކަމަށެވެ.

ރިޔާސީ އިންތިހާބުގެ ފުރަތަމަ ބުރުގައި އެމްޑީއޭއާއި އަދާލަތު ޕާޓީއާއެކު ކޯލިޝަން ހަދައިގެން ވާދަކުރެއްވި ރައީސް އިބްރާހީމަށް ލިބިލެއްވީ 39 ޕަސެންޓު، 85،000 ވޯޓެވެ.

އިންތިހާބުގެ ދެވަނަބުރު މި މަހު 30 ވަނަ ދުވަހު ބާއްވާއިރު އެމްޑީއޭއިން ރައީސް އިބްރާހިމް ދޫކޮށް މިހާރު ތާއީދު ކުރަނީ އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށެވެ.