ކުރީގެ ނައިބްރައީސް ޖިހާދު އާއެކު ޖޭޕީ ކައުންސިލްގެ ގިނަ މެންބަރުންތަކެއް ޑރ.މުއިއްޒު އާ ބައިއަތު ހިފައިފި

ކުރީގެ ނައިބް ރައީސް އަދި ޖުމްހޫރީ ޕާޓީ (ޖޭޕީ)ގެ ސްޕެޝަލް އެޑްވައިޒަރު އަބްދުﷲ ޖިހާދާއެކު އެޕާޓީގެ ގިނަ ކައުންސިލް މެންބަރުންތަކެއް އިދިކޮޅު ކޯލިޝަންގެ ކެނޑިޑޭޓް ޑރ.މުހައްމަދު މުއިއްޒާއި ބައިއަތު ހިއްޕަވައިފިއެވެ.

ގިރާވަރު ކޮމިޓީއާއެކު މިރޭ ބޭއްވުނު ބައްދަލުވުމުގައި ޑރ. ޖިހާދުގެ އިތުރުން ޖޭޕީގެ ގިނަ މެންބަރުން ވަނީ މުއިއްޒުގެ ފަހަތްޕުޅަށް އަރާވަޑައިގެން، އޭނާއަށް ތާއިދު ކުރައްވަން ނިންމަވައިފައެވެ.

މިގޮތުން އަންނަ ހޮނިހިރު ދުވަހު އޮންނަ ރިޔާސީ އިންތިހާބުގެ ދެވަނަ ބުރުގައި ޑރ. މުއިއްޒަށް ތާއިދު ކުރައްވަން ނިންމެވި ބޭފުޅުންގެ ތެރޭގައި:

ރިޔާސީ އިންތިހާބުުގެ ދެވަނަ ބުރުގައި ޖުމްހޫރީ ޕާޓީން ވަކި ކޮޅަކަށް ނާރަން ނިންމާފައިވާއިރު އެޕާޓީގެ ގިނަ މެންބަރުން ދަނީ އިދިކޮޅު ކޯލިޝަނާއި ގުޅި ކެމްޕެއިން ހަރަކާތުގައި ބައިވެރިވަމުންނެވެ.

މިރޭގެ ޖަލްސާގައިވެސް ޑރ. މުއިއްޒުވަނީ މި އިންތިޚާބު ދިވެހިންނަށް މުހިންމުވާ އެތައް ސަބަބެއްގެ ވާހަކަ ދައްކަވާފައެވެ. އެގޮތުން މި އިންތިޚާބަކީ އިންޑިއާގެ ނުފޫޒުން ރާއްޖެ ސަލާމަތް ކުރުމަށް ލިބޭނެ ފުރުސަތެއްގެ ގޮތުގައި ސިފަ ކުރައްވައިފައެވެ.

ތަރައްގީ އަށްވުރެ ބޮޑަށް މިނިވަންކަމަކީ ގައުމަކަށް އެންމެ މުހިންމު ކަންތައް ކަމަށް ޑރ. މުއިއްޒު ވިދާޅުވިއެވެ.