ދެވަނަ ބުރުގައި ޑރ.މުޢިއްޒު 56 ރަށަކަށް, ރައީސް އިބްރާހިމް މާލޭގައި ''ބަނޑަހަ ޖަހައިގެން''

ދަތުރުފުޅުތަކުގައި މުޢިއްޒު ފާހަގަކުރައްވާފައިވާ ބައެއް ކަންކަން:

• 1.އަޅުގަނޑު އެދެނީ ލޮބުވެތި ރައީސް ޔާމީން އަވަހަށް މިނިވަންވުން.
• 2.އަޅުގަނޑުމެން އެކުލަވާލާ ސަރުކާރެއްގައި ތިބޭނީ ތައުލީމީ ގާބިލު ތަޖުރިބާ ހުރި ހީވާގި ބޭފުޅުން. އެކުލަވާލާނީ ދިވެހި ރައްޔިތުން ފަޚުރުވެރިވާފަދަ ކެބިނެޓެއް. ކުންފުނިތަކުގެ އެމްޑީންނަށް ވެސް ތިބޭނީ ހަމަ އެފަދަ ބޭފުޅުން.
• 3.ތަރައްގީގެ ކަންކަމުގައި އެއްވެސް ރަށެއް ތަފާތެއް ނުކުރާނަން. ވޯޓު ނުދޭ ރައްޔިތުންނާއި މެދުވެސް ތަފާތެއް ނުކުރާނަން.
• 4.އެއްވެސް ރަށެއްގެ ތަރައްގީއަށް ހިނގާ އެއްވެސް ކަމެއް ނުހުއްޓުވާނަން. ފަށާފައި ހުއްޓިފައިވާ މަސައްކަތެއް އޮތް ނަމަވެސް އެކަންކޮށްދޭނަން.
• 5.ސިޔާސީ މަގާމުތަކުން ފިޔަވައި އެއްވެސް ވަޒީފާއަކުން މީހަކު ވަކި ނުކުރާނަން.
• 6.އެންމެ ބޮޑު އެޖެންޑާއަކީ ގައުމުގެ މިނިވަންކަން ދެމެހެއްޓުން. ދިވެހީންގެ ރާއްޖެ'' މި ޝިއާރު ނަގާފައިވަނީ ދިވެހިންނަށް ފުރިހަމަ މިނިވަންކަން ހޯދައިދިނުމަށް. މި ގައުމުގައި ތިބި ބޭރުގެ ސިފައިން ބާލާނަން.
• 7.މިހާރު މިވަނީ އެއްވެސް ކަނޑިއެއް ބަޑިއެއްގެ ބޭނުންނުކޮށް އަޅުގަނޑުމެންގެ އަތުން އަޅުގަނޑުމެންގެ ރާއްޖެ ގެންގޮސްފަ.
• 8.މިހާރު އޮތް ގޮތަށް އޮވެއްޖެނަމަ އިސްލާމްދީނަށް ބޮޑެތި ގޮންޖެހުންތައް އިންތިހާއަށް ކުރިމަތިވެ އެހެން ދީންތަކަށް މަގުފަހިވެގެންދާނެ.
• 9.އިގުތިސާދު ހަމަމަގަށް އަޅުވައި ސަރުކާރު ކުންފުނިތަކުން ކުދި ކުންފުނިތަކަށް ދައްކަންޖެހޭ ފައިސާ ދައްކާައި ޚަލާސްކުރާނަން.
• 10.ވަޒީފާ އިތުރުކޮށްދީގެންނާއި އިގުތިސާދު ހަރުދަނާކޮށްގެން އާމްދަނީގެ ފުރުސަތުތައް އިތުރުކޮށްދޭނަން.
• 11.އަޅުގަނޑުމެންނަކީ އަނިޔާވެރިކަން އިސްކުރާނެ ބައެއްނޫން.
• 12.ބިން ހިއްކައި ބޮޑުކޮށްގެން ނަމަވެސް ގެދޮރުވެރިކަމުގެ ފުރުސަތު ފަހިކޮށްދޭނަން.
• 13.ކޮންމެ ރަށެއްގެ ވެސް އާބާދީއާއި ރަށުގެ ސައިޒަށް ބަލައިގެން ލޭންޑްޔޫސް ޕްލޭނާއި އެއްގޮތަށް ކުޑަކުދިންގެ ޕާރކާއި އައުޓްޑޯ ޖިމް ހަދާނަން.
• 14.މާލޭގައި ހުންނަ ފެންވަރަށް ކޮންމެ އަތޮޅެއްގެ މައި އެއް ސްކޫލުގައި ޚާއްސަ އެހީއަށް ބޭނުންވާ ކުދިންނަށް ކިޔަވައިދެވޭނެ ހަމަޖައްސައިދޭނަން.