ސަރުކާރު ހިންގާ އެމްޑީޕީގެ ރިޔާސީ ކެންޑިޑޭޓް ރައީސުލްޖުމުހުރިއްޔާ އިބްރާހިމް މުހައްމަދު ޞާލިހް ކުރީގެ ނައިބު ރައީސް އަދި އެމްއެމްޕީއާރުސީ ހިޔާނާތުގެ މޭސްތިރިޔާ، އަހްމަދު އަދީބުގެ ޕާޓީ މޯލްޑިވްސް ތާޑްވޭ ޑިމޮކްރެޓްސް (އެންޓީޑީ)އާ ބައްދަލުކޮށް މަޝްވަރާކޮށްފިއެވެ.
އެމްޓީޑީން ކޮށްފައިވާ ޓްވީޓެއްގައި ވަނީ އެ ޕާޓީން ރައީސް އިބްރާހީމާއެކު ބައްދަލުކޮށްލަން ލިބުނު ފުރުސަތު ފާހަގަކޮށްފައެވެ.
އެގޮތުން އެ ބައްދަލުކުރެއްވުމުގައި ދިވެހިރާއްޖެއަށް ކުރިމަތިވެފައިވާ ބޮޑެތި މައްސަލަތަކާއި، ސިޔާސީ މަޝްރަހާ ގުޅިގެން މަޝްވަރާކުރެވުނުކަން އެ ޕާޓީން ވަނީ ފާހަގަކޮށްފައެވެ.
ރައީސް އިބްރާހިމް އަދީބުގެ ޕާޓީއާ ބައްދަލުކޮށް މަޝްވަރާކޮށްފައިވާއިރު އެމްއެމްޕީއާރުސީ މެދުވެރިކޮށް ފަޅު ރަށްތަކާއި ފަޅުތައް ކުއްޔަށް ދޫކޮށްގެން ދައުލަތަށް ލިބުނު ފައިސާގެ ތެރެއިން ގިނަ އަދަދެއްގެ ފައިސާ ވަގަށް ނަގައި އެ ފައިސާއަށް ޚިޔާނާތްތެރިވިކަމަށް ޝަރީޢަތުގައި އެއްބަސްވެ ދިގު މުއްދަތުގެ ޖަލު ހުކުމެއް އިއްވާފައިވަނިކޮށް ބޭސްފަރުވާއަށް ކަމަށް ބުނެ ރާއްޖެއިން ބޭރަށް ފުރުވައިލި އަދީބު އަދިވެސް ރާއްޖެ އައިސްފައި ނުވެއެވެ.
ޖަލު ހުކުމެއް އިއްވާފައިވީ ނަމަވެސް ހުކުމް ކުރި ފަހުން ގޭގައި ހުންނެވި އަދީބު ރާއްޖެއިން ބޭރަށް ފުރާފައިވަނީ ޖުލައި މަހުގެ 11 ވަނަ ދުވަހުއެވެ. އޭނާއަށް އެއިރު ހުއްދަދީފައިވަނީ 10 ދުވަހުގެ މުއްދަތަކަށް ސިންގަޕޫރުގައި ބޭސްފަރުވާގެ ކަންކަން ކުރިއަށްގެންދިއުމަށެވެ. ނަމަވެސް އެ ފަހުން އޭނާގެ ބޭސްފަރުވާއަށް އިތުރު މުއްދަތެއް ހޭދަވާނެކަމަށް ބުނެ މުއްދަތު އިތުރުކޮށްދިނުމަށް އެދުމުން ރައީސް އިބްރާހީމް މުޙައްމަދު ޞާލިޙުގެ އެންގެވުމަށް އޭނާ ބޭސްފަރުވާއަށް ބޭރުގައި ހުންނަން ދިން މުއްދަތުވަނީ އިތުރުކޮށްފައެވެ.
އިންޑިއާއިން ދަރަންޏަށް ފައިސާ ދޭން އެއްބަސްވުމާއި އެކު ރައީސް އިބްރާހީމްގެ ވައުދު ފުންޏެއް!
ކޮންމެ އަތޮޅެއްގައި ޚާއްސަ އެހީއަށް ބޭނުންވާ ކުދިންނަށް ކިޔަވައިދެވޭނެ ގޮތް ހަދާނަން: ޑރ. މުޢިއްޒު
ޑރ. މުޢިއްޒުގެ އިސްތަށިފުޅުގައި އަނިޔާވެރި ވެރިއެއްގެ އިލްޒާމު އަޅުވާނެ ޖާގައެއް ނެތް: ޑރ.ޝަހީމް
ރައީސް މާލޭގައި ބަނޑަހަ ޖަހައިގެން އެ ހުންނަނީ ދެވަނަ ބުރުން ވައްކަން ކުރަން ރާވަން: ޝިޔާމް
