ޖޭޕީގެ ސްލޮޓެއްގައި ހުންނެވި ޓޫރިޒަމް މިނިސްޓަރު މައުސޫމް އެމްޑީޕީއަށް ސޮއިކުރައްވައިފި

ޖުމްހޫރީ ޕާޓީ (ޖޭޕީ)ގެ ސްލޮޓެއްގައި ޓޫރިޒަމް މިނިސްޓަރުގެ މަގާމުގައި ހުންނެވި ޑރ. އަބްދުﷲ މައުސޫމް ވެރިކަން ކުރާ އެމްޑީޕީއަށް ސޮއިކުރައްވައިފިއެވެ.

މިނިސްޓަރު މައުސޫމް އެމްޑީޕީއަށް ސޮއިކުރައްވައި މެންބާޝިޕް ފޯމު ރޭ ވަނީ ރައީސުލްޖުމުހުރިއްޔާ އިބްރާހިމް މުހައްމަދު ޞާލިހުއާ ހަވާލުކުރައްވައިފައެވެ.

މިނިސްޓަރު މައުސޫމް ރޭ އެމްޑީޕީއަށް ސޮއި ކުރައްވާފައިވާއިރު ޖޭޕީގައި ހުންނެވި އިރު ވެސް އޭނާ ގެންދެވީ އިންތިހާބުގައި ރައީސް އިބްރާހިމްއަށް ތާއީދު ކުރައްވާކަން ހާމަކުރައްވަމުންނެވެ.