Friday
1st Dec 2023
English Edition
ހުމާމް ކޯޓުން ނެރެގެން ގެންދަނީ.
މަޖިލީހުގެ އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީގެ މަރުގެ މައްސަލާގައި މަރަން ހުކުމްކޮށްފައިވާ ހުސައިން ހުމާމް އަހުމަދުގެ މަރުގެ ހުކުމް ރިވިއު ކުރުމުގެ މައްސަލަ ބަލައިނުގަންނަން ސުޕްރީމް ކޯޓުން ނިންމައިފި އެވެ.
އޮކްޓޯބަރު 2012 ގައި ތޫނު އެއްޗަކުން ހަމަލާދީ އަނިޔާވެރިކަމާއެކު އަފްރާޝީމް މަރާލި ކަމަށް ކްރިމިނަލް ކޯޓުގައި ހުމާމް ކުރިން އިއުތިރާފްވި އެވެ. އެކަމަކު އޭނާ ފަހުން ބުނަމުން ގެންދަނީ އޭނާ އެއްބަސްވީ ބިރުދެއްކުމުން ކަމަށާއި އަދި އަފްރާޝީމްގެ މަރާ އޭނާއާ ގުޅުމެއް ނެތް ކަމަށެވެ.
އެ މައްސަލާގައި ހުމާމް މަރަން ކްރިމިނަލް ކޯޓުން ކުރި ހުކުމް، ސުޕްރީމް ކޯޓުން 2016 ގައި ދެމެހެއްޓި އެވެ.
ނަމަވެސް ދާދިފަހުން އޭނާގެ ފަރާތުން ވަނީ އެ ހުކުމް ރިވިއުކުރަން މައްސަލައެއް ހުށަހަޅައިފަ އެވެ. އެކަމަކު ސުޕްރީމް ކޯޓުން މިދިޔަ ހަފްތާގައި ނިންމީ އެ މައްސަލަ ބަލައިނުގަންނާށެވެ.
ހުމާމްގެ އިތުރުން އިތުރު ބައެއްގެ މައްޗަށް ވެސް އެ މައްސަލާގައި ދައުލަތުން ދައުވާކުރި އެވެ. ނަމަވެސް އެ މީހުންގެ މައްޗަށް އެ މައްސަލާގައި ކުށް ސާބިތެއް ނުވި އެވެ.
އެންމެފަސް
އެމެރިކަން އެކްސްޕްރެސް ކާޑުން ވިޔަފާރިކޮށްގެން ކޮންމެ ހަފްތާއަކު ބޮޑު އިނާމެއް
ކޮފީ ކްލަބްގެ އާ ބްރާންޗެއް ޓްރީޓޮޕް ހޮސްޕިޓަލުގައި ރަސްމީކޮށް ހުޅުވައިފި
އައްޑޫއިން ގޯތި ލިބޭ މީހުންގެ ލިސްޓު އާންމުކޮށްފި
ފެކްޓް ޗެކް: ސަރުކާރުން ކާރުތަކެއް ގެންނަން 140 މިލިއަން ހަރަދު ނުކުރޭ