ދިވެހި ދައުލަތުގެ ބޭރުފައިސާގެ ރިޒާވްގެ ގޮތުގައި ބާކީ ހުރީ 168 މިލިއަން ޑޮލަރު ކަމަށް މޯލްޑިވްސް މަނިޓަރީ އޮތޯރިޓީ (އެމްއެމް) އޭގެ ހިސާބުތަކުން ދައްކައިފިއެވެ.
އެމްއެމްއޭއިން އާންމުކޮށްފައިވާ ހިސާބުތަކުން ދައްކާގޮތުން ޖޫން މަހުގެ ނިޔަލަށް ޖުމްލަ ރިޒާވްގެ ގޮތުގައި ހުރީ 702 މިލިއަން ޑޮލަރެވެ. އޭގެ ތެރެއިން ބޭނުން ކުރެވޭ ގޮތަށް ހުރީ 168 މިލިއަން ޑޮލަރެވެ. ބޭރު ފައިސާގެ ރިޒާވް މިހާ ބޮޑަށް ދަށްވެފައިވާއިރު، ރާއްޖޭގެ ކަޅު ބާޒާރުގައި ޑޮލަރުގެ އަގު ވަނީ ވަރަށް ބޮޑަށް އުފުލިފައެވެ. މިގޮތުން މިހާރު ޑޮލަރު ލިބެނީ 17.80 ރުފިޔާއަށެވެ.
168 މިލިއަން ޑޮލަރަކީ ގާތްގަނޑަކަށް 2 މަހަށް ބޭނުންވާ ވަރަށް މުދާ އިމްޕޯޓުކުރެވޭހާ ފައިސާއެވެ.
ބޭނުން ކުރެވޭ ރިޒާވް އެންމެފަހުން މިހާބޮޑަށް ދަށަށް ގޮސްފައިވަނީ ފާއިތުވި އަހަރުގެ އޮކްޓޯބަރު މަހުގައެވެ. އޮކްޓޯބަރު ނިމުނު އިރު ރިޒާވްގައި ބޭނުން ކުރެވޭގޮތަށް ހުރީ 105 މިލިއަން ޑޮލަރެވެ. އެހެންވެ ސަރުކާރުން ވަނީ ނޮވެމްބަރު މަސްތެރޭ އިންޑިއާގެ މަރުކަޒީ ބޭންކުން ލޯނެއް ނަގާފައެވެ. އަދި ރާއްޖޭގައި ހުންނަ އިންޑިއާގެ ސްޓޭޓް ބޭންކަށް ބޮންޑެއް ވިއްކައިގެން ވެސް ފައިސާ ހޯދިއެވެ.
އިންޓަލެކްޗުއަލް ޕްރޮޕަޓީ ރައިޓްސް ބިލްގެ ޑްރާފްޓް މަސައްކަތް ދަނީ ކުރިއަށް: ސައީދު
ފަހަށް ނުބަހައްޓަވައި އެންމެ އުނދަގޫ ކަންތައްތައް ވެސް ރައީސް ގެންދަވަނީ ކޮށްދެއްވަމުން: ސައީދު
ސަރުކާރުން އެޅި ފިޔަވަޅުން ބްލެކް މާކެޓުގައި ޑޮލަރުގެ އަގު ދަށްވި: ޠާރިޤު
ފެނަކައިން ބަލަހައްޓަމުން އައި އައިސް ޕްލާންޓްތައް މިފްކޯގެ ބެލުމުގެ ދަށަށް
