އިިދިކޮޅު ޕީޕީއެމުން ސިލްސިލާކޮށް ކުރަމުން އަންނަ އިހުތިޖާޖުގެ ތެރެއަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙުގެ މޮޓޮކޭޑު ވަން މައްސަލާގައި މޮޓޮކޭޑަށް ހުރަސްއެޅިކަމަށް ބުނެ 5 މީހެއްގެ މައްޗަށް ދައުވާކޮށްފިއެވެ.
މި އަހަރުގެ މާޗު މަހުގެ 20 ވަނަ ދުވަހުގައި ހުޅުމާލޭގައި އޮތް ހަރަކާތެއްގައި ބައިވެރިވެވަޑައިގަތުމަށްފަހު މާލެއަށް ވަޑައިގެން ޕީޕީއެމް އޮފީސް ކުރިމަތީގައި ތިބި މުޒާހަރާވެރިންގެ ތެރއަށް ރައީސްގެ މޮޓޮކޭޑު ވަނެވެ.
އެތަނުގައި އެވަގުތު ތިބި މުޒާހަރާވެރިންވަނީ ރައީސާމެދު ނުރުހުން ފާޅުކޮށް ޚިޔާލުފާޅުކޮށްފައެވެ. ވިއްސަކަށް މިނިޓު މަޑުކުރުމަށްފަހު މޮޓޯކޭޑަށް ޖެހުނީ އަނބުރާލާފައި އެހެން މަގަކުން ދާށެވެ.
އެ މައްސަލައާ ގުޅިގެން ރަައީސްގެ ސަލާމަތީ ކަންކަން ބަލަހައްޓާ ޕްރެޒިޑެންޝަލް ގާޑްސްގެ ކޮމާންޑިން އޮފިސަރު ޢަބްދުﷲ އިބްރާހީމު ވަގުތީ ގޮތުން ޒިންމާއިން އެކަހެރިކުރުމަށްފަހު، އެކަމުގައި އޭނާގެ އިހުމާލެއް ނެތްކަމަށް ނިންމައި، ބްރިގޭޑިއާ ޖެނެރަލްގެ ދަރަޖައަށް އޭނާވަނީ ޕްރޮމޯޓުކޮށްފައެވެ.
މި ހާދިސާއާ ގުޅިގެން ފަސް މީހެއްގެ މައްޗަށް ދައުވާކުރުމަށް ޕްރޮސެކިއުޓާ ޖެނެރަލް އޮފީހުންވަނީ ކުރިމިނަލް ކޯޓަށް ފޮނުވާފައެވެ. އެ ފަސް މީހުންގެ މައްޗަށް އުފުލާފައިވަނީ ޤާނޫނު ހިންގުމަށް ހުރަސްއެޅުމާއި ދައުލަތުގެ އެހެނިހެން މަސައްކަތަށް ހުރަސްއެޅުމުގެ ދައުވާއެވެ.
އުރީދޫން އައިފޯން 15 ޕްރީއޯޑަރ އަށް ހުޅުވާލައިފި!
ސަރުކާރުން ކުރަނީ ނަފްސާނީ އަނިޔާ، މި އަންނަނީ އެކަން ނިންމަން: މުއިއްޒު
ރަށުން ބޭރުގައި މަސައްކަތްކުރާ ޕްރިންސިޕަލުންނަށް ދެމުންއައި އެލަވެންސް ކަނޑާލުމަށްފަހު އަލުން ދޭން ފަށަނީ
ރައީސް އިބްރާހިމްއަކީ ކަނޑައެޅިގެން ހުރި ކަނޑު ކޮހެއް: ސަލީމް
