އެމްޑީޕީގެ ރައީސް މުހައްމަދު ނަޝީދުގެ ސަޕޯޓަރުންގެ އަދަދު 3500 އަށް ތިރިވެއްޖެ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
އަމީރް މިހެން ވިދާޅުވެފައި ވަނީ އެމްޑީޕީގެ ރައީސް މުހައްމަދު ނަޝީދުގެ 'ދަ ޑިމޮކްޜެސްޓް' ޕާޓީ އުފެއްދުމަށް އިލެކްޝަންސް ކޮމިޝަނަށް މިއަދު ހުށަހެޅި ފޯމުތައް މަދުކަމަށް ވިދާޅުވެ ކުރެއްވި ޓްވީޓެއްގައެވެ.
އެޓްވީޓުގައި އަމީރު ވިދާޅުވީ "ތާރީޚް ހެކިވޭ އެމްޑީޕީ އާއެކި ނުކުތީމަ ފުރަތަމަ ބުރުންވެސް 95 ހާސްވޯޓު ނަގާކަން، އެހެނަސް ފެންނަން އޮތް ހަޤީޤަތަކީ ވަކިން ނުކުތުމުން އެ އަދަދު ތިންހާސް ފައްސަތޭކަ އަށް ތިރިވެއްޖެކަން" ކަމަށެވެ.
"'ދަ ޑިމޮކްޜެސްޓް" ޕާޓީ ރަޖިސްޓްރީވުމާ އެކު، ރިޔާސީ އިންތިހާބުގެ ކެމްޕެއިން ފަށައި، ވޯޓާ ހަމައަށް ދާއިރު 10،000 މެންބަރުން ހަމަކުރުމަކީ މިހާރުގެ ޓާގެޓް ކަމަށް އެޕާޓީއިން ވަނީ ބުނެފައެވެ.