އެމްޑީޕީން ވަކިވުމުން ވެމްކޯގެ ޗެއާމަންއާއި އާސަންދަ ބޯޑު މެންބަރު އާމިލާ މަގާމުން ވަކިކުރަނީ
ސަރުކާރު ކުންފުނި ވެމްކޯގެ ޗެއާމަން މުހައްމަދު އިބްރާހިމް މަނިކާއި އާސަންދަ ބޯޑުގެ މެންބަރު އާމިލާ ލަތީފް މަގާމުން ވަކިކުރަން ޕީސީބީއަށް ރައީސް އޮފީހުން ފޮނުވައިފިއެވެ.
އެދެބޭފުޅުން މަގާމުން ވަކިކުރަން ނިންމާފައިވަނީ ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީން އެބޭފުޅުން ވަކިވުމާއި ގުޅިގެންނެވެ.
ވެމްކޯގެ ޗެއާމަން މަނިކު ރައީސް ނަޝީދުގެ ފިކުރެއްގެ ދިރުމުން އަލަށް އުފައްދާ ޕާޓީ ޑިމޮކްރެޓްސްއަށް ސޮއިކުރައްވާފައެވެ. މަނިކަކީ ވިލިމާލެ ދާއިރާގެ އެމްޑީޕީގެ ކުރީގެ ރައީސް އަދި އިންތިހާބުތަކުގައި އިސްކޮށް އުޅުއްވި ބޭފުޅެކެވެ.
ދެން މަގާމުން ވަކިކުރަން ނިންމާފައިވާ އާމިލާއަކީ ޑިމޮކްރެޓްސްގައި އުފެއްދެވުމުގައި އެންމެ އިސްކޮށް އުޅުއްވާ އެމްޑީޕީގެ ކުރީގެ ޗެއާޕާސަން ހަސަން ލަތީފްގެ ކޮއްކޮއެވެ.
ފިކުރެއްގެ ދިރުން ހަރަކާތުން އުފައްދާ އައު ޕާޓީ "ދަ ޑިމޮކްރެޓްސް"އަށް ސޮއި ކުރާ ސިޔާސީ މުވައްޒަފުން ވަޒީފާއިން ވަކިކުރަން ސަރުކާރުން ވަނީ ފަށާފައެވެ.
ސަރުކާރުގެ އޮފިޝަލަކު ނަން ނުޖެހުމަށް ޝަރުތުކޮށް "ދިޔަރެސް"އަށް ވިދާޅުވީ އެފަދައިން އާ ޕާޓީއަށް ސޮއި ކުރައްވާ ސަރުކާރުގެ ޑެޕިއުޓީ މިނިސްޓަރުން، އެގްޒިކިއުޓިވް ޑިރެކްޓަރުން ލެވެލްގެ ބައެއް ބޭފުޅުން މަގާމުން ވަކިކުރަން ނިންމާފައިވާކަމަށެވެ.
އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ހިންގަވާ ފިކުރެއްގެ ދިރުން ހަރަކާތަށް ޕާޓީ އުފެއްދުމުގެ ހުއްދަ ލިބުމާއެކު އެ ޕާޓީއަށް ގިނަ އަދަދެއްގެ ބަޔަކު އަންނަނީ ވަންނަމުންނެވެ.
އެ ޕާޓީއަށް މީހުން ހަމަ ކުރުމުގެ މަސައްކަތް މިހާރުވެސް ކުރަމުން އަންނައިރު ސަރުކާރުގެ ސިޔާސީ އިސްމަގާމުތަކުގައި ތިބި ފަރާތްތަކުންވެސް އަންނަނީ އާ ޕާޓީއަށް ގުޅިވަޑައިގަންނަވަމުންނެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
