އިބުރޭގެ މައްޗަށް ސާބިތުވެފައިވާ ވައްކަމުގެ މައްސަލަތަކާމެދު ސުވާލުކުރުމުން ޖަވާބެއް ނުދެއްވި!
ރައީސުލްޖުމްހޫރިއްޔާގެ އޮފީހުގެ މިނިސްޓަރު އަދި އެމްޑީޕީގެ ޗެއާޕާސަންގެ ނައިބު އިބްރާހީމް ވަހީދު (އިބުރޭ)ގެ މައްޗަށް ސާބިތުވެފައިވާ ވައްކަމުގެ ދެ މައްސަލައާ ގުޅޭ ގޮތުން ސުވާލުކުރުމުން އޭނާ އެ ސުވާލަށް ޖަވާބުނުދެއްވިއެވެ.
މިއަދު އެމްޑީޕީގެ މައި އޮފީހުގައި އޮތް ނޫސްވެރިންގެ ބައްދަލުވުމުގައި އިބުރޭގެ މައްޗަށް ލެޕްޓޮޕެއް އަދި ކޮމްޕިއުޓަރެއް ވަގަށް ނަންގަވައިގެން ކުށް ސާބިތުވެފައިވާތީއާއި މިހާރު އޭނާ މިނިސްޓަރުކަމުގެ މަޤާމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު އައްޔަންކުރައްވާފައިވާއިރު، އެފަދަ ކުށެއް ސާބިތުވެފައި އޮތުމުން އެކަމުގައި ކޮންމެވެސް މިންވަރެއްގެ ތަފުސީލެއް ރައްޔިތުން ބޭނުންވާނެކަން ފާހަގަކޮށް، އެކަމުގައި އިބުރޭ ވިދާޅުވަނީ ކީކޭތޯ "ދިޔަރެސް"އިން ސުވާލުކުރިއެވެ.
އެ ސުވާލުކުރުމުން އިބުރޭ އެ ސުވާލަށް އެއްވެސް ޖަވާބެއް ދެއްވާފައިނުވެއެވެ. އަދި އެ ސުވާލަަށް އިކޮނޮމިކް މިނިސްޓަރު އަދި އެމްޑީޕީގެ ޗެއާޕާސަން ފައްޔާޒު އިސްމާއީލުވެސް އެއްވެސް މިންވަރަކަށް އަޅައިނުލައްވައެވެ.
އިބުރޭއަކީ ރައީސް މުޙައްމަދު ނަޝީދުގެ ވެރިކަމުގައި އިޖުތިމާއީ ރައްކާތެރިކަމުގެ ޚިދުމަތްތައް އެއިރު ދެމުންއައި މަދަނައާ ހަވާލުވެވަޑައިގެން ހުންނެވި ބޭފުޅާއެވެ. އެއިރު މަދަނައިގެ ކަންކަން ހިންގާފައިވާ ގޮތާ ގުޅޭ ގޮތުން އޮޑިޓު އޮފީހުން ތައްޔާރުކުރި ރިޕޯޓުތަކުގައި މަދަނައިގެ ޚިދުމަތްތައް ދިނުމުގައި ބޮޑެތި ގޯސްތަކާއި ކޮރަޕްޝަން ހިންގާފައިވާކަން ފާހަގަކޮށްފައިވެއެވެ.
ބައިނަލްއަގްވާމީ ސީފުޑް ހަބެއް އައްޑޫގައި ގާއިމް ކުރަނީ
އޮގަސްޓްމަހު ޑެންގޫ ފިޔަވައި އެހެން ބަލިތައް އިތުރު: އެޗްޕީއޭ
އިމިގްރޭޝަން އޮފިސަރުންތަކަކަށް ހެދިގެން ފޭރުނު މައްސަލައިގައި އެކަކު ހައްޔަރުކޮށްފި
މާލެ ވަށައި ތޮށި ލުމަށް ޖަޕާނުން އަނެއްކާވެސް އެހީވަނީ
