އަނެއްކާވެސް ބްރިޖް ހަދަން ގެންގުޅޭ އުޅަނދެއް ވިލިމާލެ ފަރަށް އަރައިފި

މާލެ-ވިލިމާލޭ ބްރިޖް ހަދާ ކުންފުނި އިންޑިއާގެ އެފްކޮންސްގެ އުޅަނދެއް އަނެއްކާވެސް ވިލިމާލެ ފަރަށް އަރައިފިއެވެ.

"ދިޔަރެސް" އަށް މައުލޫމާތު ލިބިފައިވާ ގޮތުގައި ދާދި ދެންމެއަކު ވިލިމާލެ ފަރަށް އަރާފައިވަނީ އެކުންފުނިން ބްރިޖް ހެދުމަށް ބޭނުންކުރާ ބާޖެކެވެ.

މިދިޔަ އަހަރުގެ އޮސްޓް މަހު ވެސް އެކުންފުނިން މާލެ-ވިލިމާލޭ ބްރިޖުގެ ސާވޭއަށް ބޭނުންކުރި ޕްލެޓްފޯމެއް ބިޔަ ރާޅުތަކާއެކު ވިލިމާލޭ ފަރަށް

އެފަހަރު ޕްލެޓްފޯމު ފަރުމަތިން ފުންކުރީ 12 ދުވަސް ފަހުންނެވެ. އޭގެ ސަބަބުން ވިލިމާލޭ ފަރަށް ވަނީ އިއާދަ ނުކުރެވޭ ވަރުގެ ގެއްލުން ވެފަ އެވެ. އެފަހަރު ލިބުނު ގެއްލުމަށް އެފްކޮންސް ކުންފުނިން ދައުލަތަށް ދައްކަން ޖެހޭ 69 މިލިއަން ރުފިޔާގެ ޖޫރިމަނާ ދައްކައި ހަލާސްކުރަން އެއް މަސް ދުވަހުގެ މުއްދަތެއް އޭރު ވަނީ ދީފައެވެ. ނަމަވެސް އެފައިސާ ދެއްކި ކަމެއް ސާފެއް ނޫނެވެ.