ސަރުކާރުން ދަނީ ސިލްސިލާކޮށް ޤާނޫނާ ޚިލާފު ވަމުން ކަމަށް ޕީއެންސީގެ ނައިބުރައީސް އަދި މާވަށު ދާއިރާގެ ރައްޔިތުންގެ މަޖިލިސް މެންބަރު މުޙައްމަދު ސައީދު ވިދާޅުވެއްޖެއެވެ.
މި އަހަރުގެ މިހާތަނަށް ދައުލަތުގެ ބަޖެޓުގެ ދަރަނި 3 ބިލިއަނަށް އަރައިފިކަން ފިނޭންސް މިނިސްޓްރީގެ ހިސާބުތަކުން ދެއްކުމާއި ގުޅިގެން ސައީދު މިރޭ ކުރެއްވި ޓްވީޓެއްގައި ވިދާޅުވީ މަޖިލީހުގައި ސަރުކާރުގެ ފުލް ކޮންޓްރޯލް އޮވެ ރައްޔިތުން އިތުރުޓެކްސްދޭން މަޖުބޫރު ކުރަމުންދާ ކަމަށެވެ.
ވެރިކަން ދިނުމަށް ފަހު ރައްޔިތުން އެދުނީ ބޭކާރު ޚަރަދުތައް ނުކުރުމަށް ކަމަށް ސައީދު ވިދާޅުވިއެވެ. ސަރުކާރާއި ރައްޔިތުންވެސް ޖެހެނީ ހަމަ އެއްޤާނޫނަކަށް ބޯލަނބަން ކަމަށް ސައީދު ވިދާޅުވިއެވެ.
މިއާއެކު ރައްޔިތުން އަތުން ނަގާ ޓެކްސް މިވަނީ އެތައް ގުނައަކުން ބޮޑުކޮށްފައެވެ. ޓެކުސް ނަގާ ރޭޓު ބޮޑުކުރާ ސަބަބެއްކަމަށް ސަރުކާރުން ބުނެފައިވަނީ ބަޖެޓުގެ ދަރަނި ކުޑަކުރުމެވެ. ނަމަވެސް ޚަރަދު ކުޑަކުރަން ތަންފީޒުކުރާނެކަމަށް ސަރުކާރުން ބަޖެޓުގައި ހިމެނި އެއްވެސް ސިޔާސަތެއް ތަންފީޒުނުވުމުގެ ސަބަބުން ބަޖެޓުގެ ދަރަނި ކުޑަނުވެ އަންނަނީ އިހުނަށްވުރެ ބޮޑުވަމުންނެވެ.
އާމްދަނީއަށްވުރެ ދައުލަތުގެ ޚަރަދުތައް ބޮޑުވުމުގެ ސަބަބުން ދައުލަތުގެ ދަރަނި ކޮންޓުރޯލުނުވާ މިންވަރަށް މަތިވެ ރާއްޖޭގެ އިޤުތިޞާދަށް ނުރައްކާތަކެއް ކުރިމަތިވުމުގެ އިހުތިމާލު އޮތްކަން ވޯލްޑް ބޭންކާއި އެނޫންވެސް މާލީ އިދާރާތަކުން ފާހަގަކުރެއެވެ.
ގޯތި ދިނުން ލަސްވެގެން ގަމު ރައްޔިތުން މުޒާހަރާ ކޮށްފި
ދެ ރައީސުންގެ ވެރިކަމުގައި ނަގާފައިވާ ލޯނުތަކާއި ދަރަނީގެ ހިސާބު
ސަރުކާރަށް ފާޑުކީ ނޫސްވެރިޔަކު ޕާކިސްތާނުގައި ހައްޔަރުކޮށްފި
އުތުރުތިލަފަޅުން ގޯތި ދޭތޯ ބަލަން ދިޔަ ނޫސްވެރިންގެ މައްސަލަ ފުލުހަށް ހުށަހަޅައިފި
