ފުރާންސްގެ މާސޭގެ ޕޯޓު ކައިރީގައި ހުރި ތަނަކުން އެއްޗެއް ގޮވައިގެން 2 އިމާރާތް ސުންނާފަތިވެއްޖެއެވެ. އަދި އެ 2 އިމާރާތުގެ ދަށުގައި 8 ވަރަކަށް މީހުން ތާށިވެފައި ތިބިކަމަށް ގަބޫލްކުރެވޭކަމަށް ބޭރުގެ މީޑިއާތަކުން ބުނެއެވެ.
ގޮވީ ކޮން އެއްޗެއްކަން އަދި ހޯދިފާނުވާއިރު، އެ ސަރަހައްދުގެ އޮފިޝަލުން ބުނާގޮތުގައި ވެއްޓުނު އިމާރާތްތަކުގެ ދަށުވެފައި 8 މީހުން ތިބިކަމަށް ގަބޫލްކުރެވެނީ އެ މީހުންނާއި އެއްވެސް ކަހަލަ މުއާމަލާތެއް ނުކުރެވޭތީކަމަށެވެ.
ސަލާމަތީ ފަރާތްތައް ކުރިމަތިލަމުން އަންނަ ބޮޑު އެއް ގޮންޖެހުމަކީ ސުންނާފަތިވެގެން ވެއްޓުނު އިމާރާތާއި އެއް ފާރެއް ހިއްސާކުރާ އެހެން އިމާރާތަކަށްވެސް ގެއްލުންލިބި، އެއިގެ އެއްބައި އަނެއް އިމާރާތުގެ މައްޗަށް ވެށްޓުމުންނެވެ. ސަލާމަތީ ހަރަކާތްތަކުގައި އިންސާނުންނާއި އަދި، އާންމުކޮށް ބޭނުންކުރާ ކުއްތާތައް ހަރަކާތްތެރިވެވޭ ވަރަށްވުރެން ހާލަތު ނުރައްކާވުމުން، އިންސާނުންގެ ހިލަމެއް ވޭތޯ ޑުރޯންއާއި ޕުރޯބްސް ބޭނުންކުރެއެވެ.
އަލިފާން ނިއްވާ ހިދުމަތައް އިތުރު ގޮންޖެހުމެއް ކަމުގައި ކުރިމަތިވީ މިހާތަނަށް ނުނިއްވިގެން އުޅޭ އަލިފާންގަނޑު ރޯވެފައި އޮތީ އިމާރާތުގެ އަޑީގައި ހުރި ދެބުރީގެ އަޑީގައިކަމަށް ވުމުން، އެތަނަށް ފެން ނުވަތަ ފޯމް ޖެހުމުން އެތާންގައި ތާށިވެފައި ތިބިކަމަށް ގަބޫލުކުރެވޭ މީހުންނަށް ނުރައްކާވެދާނެކަމެވެ.
މިކަން ހިނގަން ދިމާވެދާނެ ކަންކަމުގެ ތެރެއަށް ތަހުގީގު މިހާރު ފަށައިފިއެވެ. އަދި މިކަމަކީ ގެއްލުން ދިނުމަށް ގަސްތުގައި ކުރިކަމަށް ނުބަލާ، ގޭސް އެކުލެވޭ އެއްޗެއް ގޮވައިގެން ހިނގި ހާދިސާއެއްކަމަށް ވެދާނެކަމަށް ޕުރޮސިކިއުޓާ ލޯރެންސް ވިދާޅުވިއެވެ.
ބްރޯޑްކޮމްއަށް ޒީނާ ޒާހިރު އައްޔަން ކުރަން ކޮމިޓީން ފާސްކޮށްފި
ރީތި ފެހި ރައްކާތެރި ޖަޒީރާއެއް ބިނާކުރަން ދެ ގައުމުން މަސައްކަތް ކުރަންޖެހޭ: ޗައިނާ ސަފީރު
ޚާރިޖީ ވަޒީރު ރަސްމީ ދަތުރުފުޅެއްގައި ކުވޭތަށް ފުރާވަޑައިގެންފި
މަގުތަކުގައި ތާރުއެޅުމަށް ބޭނުންވާ މެޝިނަރީޒް، ސަރުކާރުން އާރުޑީސީއަށް ހޯދައިދެނީ
