މި އަހަރުގެ ފުރަތަމަ 3 މަސް ނިމުނު އިރު ދައުލަތުގެ ބޭނުން ކުރެވޭ ބޭރު ފައިސާގެ ރިޒާވް ދަށަށް ގޮސްފިއެވެ.
މި އަހަރު ފެށުނު އިރު ދައުލަތުގެ ބޭނުން ކުރެވޭ ރިޒާވްގެ ގޮތުގައި ހުރީ 267 މިލިއަން ޑޮލަރެވެ. އެހެން ނަމަވެސް މާޗު މަސް ނިމުނު އިރު ބޭނުން ކުރެވޭ ގޮތަށް ހުރީ 200 މިލިއަން ޑޮލަރެވެ. އެއީ ގާތް ގަނޑަކަށް 2 މަހުގެ އިމްޕޯޓަށް ބޭނުން ކުރެވޭ ވަރުގެ ފައިސާއެވެ.
ބޭނުން ކުރެވޭ ރިޒާވް ދަށަށް ގޮސްފައިވާއިރު ޖުމްލަ ރިޒާވްވެސް ވަނީ ދަށަށް ގޮސްފައެވެ. އަހަރު ފެށުނު އިރު ޖުމްލަ ރިޒާވްގައި ހުރީ 827 މިލިއަން ޑޮލަރެވެ. އަދި މާޗު މަހުގެ ނިޔަލަށް ޖުމްލަ ރިޒާވްގައި ހުރީ 764 މިލިއަން ޑޮލަރެވެ.
މިއީ ބޭނުންކުރެވޭ ރިޒާވް ޖެހިޖެހިގެން ދަށަށް ދިޔަ 3 ވަނަ މަހެވެ. އެހެން ނަމަވެސް ސަރުކާރުން އަދިވެސް ދަނީ ރިޒާވްގެ ހާލަތު އޮތީ ރަނގަޅަށް ކަމަށް ބުނަމުންނެވެ. ފާއިތުވި އަހަރުގެ ފަހުކޮޅު ރިޒާވްގެ ހާލަތު ދަށްވުމުން ސަރުކާރުން ވަނީ އިންޑިއާއިން 200 މިލިއަން ޑޮލަރުގެ ލޯނެއް ނަގާފައެވެ.
އަދި ސަރުކާރާއި ގުޅުން އޮންނަ ނޫސްތަކުން ވަނީ ބޭރު ފައިސާގެ ރިޒާވް ރެކޯޑު އަދަދަކަށް އިތުރުވެއްޖެކަމަށް ބުނެ ހަގީގަތާއި ހިލާފު ހަބަރުތައް ފަތުރާފައެވެ. އެހެން ނަމަވެސް ދާދިފަހުން ވޯލްޑް ބޭންކުން ނެރުނު ރިޕޯޓެއްގައިވެސް ވަނީ ރާއްޖޭގެ ރިޒާވްގެ ހާލަތާއި މެދު ކަންބޮޑުވުން ފާޅުކޮށްފައެވެ.
ސަރުކާރުން ކުރަނީ ނަފްސާނީ އަނިޔާ، މި އަންނަނީ އެކަން ނިންމަން: މުއިއްޒު
ރަށުން ބޭރުގައި މަސައްކަތްކުރާ ޕްރިންސިޕަލުންނަށް ދެމުންއައި އެލަވެންސް ކަނޑާލުމަށްފަހު އަލުން ދޭން ފަށަނީ
ރައީސް އިބްރާހިމްއަކީ ކަނޑައެޅިގެން ހުރި ކަނޑު ކޮހެއް: ސަލީމް
ކެނެޑާގެ ރައްޔިތުންނަށް އިންޑިއާއިން ވިސާ ދިނުން ހުއްޓާލައިފި
