އިންޑިއާގައި މަސްތުވެގެން ހުރި މީހަކު 7 އަހަރުގެ ކުއްޖަކު ރޭޕްކޮށްފި

އިންޑިއާގެ ބިހާރު ސްޓޭޓުގެ ބެގުސަރައި ޑިސްޓްރިކްޓުގައި މަސްތުވެގެން ހުރި މީހަކު އުމުރުން 7 އަހަރުގެ ކުއްޖަު ރޭޕްކޮށްފިއެވެ.

އިންޑިއާގެ ނޫސްތަކުން ރިޕޯޓުކޮށްފައިވާ ގޮތުގައި ހޯލީ ފާހަގަކުރުމުގެ ގޮތުން ބަނގުރާ ބޮއެ މަސްތުވެގެން ހުރި އެ މީހާ އާއި އިތުރު ބަޔަކު ވެގެންވަނީ 7 އަހަރުގެ ކުއްޖާ ރޭޕްކޮށް އަދި އެ ކުއްޖާގެ ރަހުމަތްތެރިއަކަށްވެސް ޖިންސީ އަނިޔާކޮށްފައެވެ.

މި މައްސަލާގައި ޖުމްލަ 5 މީހުންނަށް ތުހުމަތު ކުރެވިފައިވާއިރު އޭގެތެރެއިން 2 މީހުން ވަނީ ހައްޔަރުކޮށްފައެވެ.

އަދި ރޭޕްގެ ޝިކާރައަށްވި ކުއްޖާއާއި އޭނާގެ ރަހުމަތްތެރިޔާއަށް ދަނީ ހޮސްޕިޓަލުގައި ފަރުވާދެމުންނެވެ. ހޮސްޕިޓަލުގައި ހެދި ޓެސްޓުތަކުން 7 އަހަރުގެ ކުއްޖާ ރޭޕްކޮށްފައިވާކަމަށް ޑޮކްޓަރުން ޔަގީންކޮށްދީފައިވާ ކަމަށް އިންޑިއާގެ މީޑިއާތަކުން ބުނެފައިވެއެވެ.

އިންޑިއާއަކީ ދުނިޔޭގެ ރޭޕް ކެޕިޓަލްގެ ގޮތުގައި މަޝްހޫރުވެފައިވާ ޤައުމެކެވެ. އެ ޤައުމުގައި ރޭޕް ކުރުމަކީ ވަރަށް އާންމުކަމެކެވެ. އަދި އެފަދަކަންކަން ކުރާ މީހުންނަށް ގިނަ ފަހަރު އަދަބެއް ނުލިބެއެވެ.