ފުލުހަށް ވައްދާމީހުން ބެކްގްރައުންޑް ޗެކް ހަދަން ނުޖެހޭގޮތަށް ގާނޫނު އިސްލާހުކުރަން ހުށަހަޅައިފި
ފުލުހުންގެ ހިދުމަތަށް އަލަށް ގުޅޭ ފަރާތްތަކުގެ ބެކްގްރައުންޑް ޗެކް ހަދަން ނުޖެހޭ ގޮތަށް ފުލުހުންގެ ގާނޫނަށް އިސްލާހު ގެނައުމަށް ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައިފިއެވެ.
ސަރުކާރުގެ ފަރާތުން އެ އިސްލާހް މަޖިލީހަށް ހުށަހެޅުއްވީ އެމްޑީޕީގެ ޕާލިމަންޓަރީ ގުރޫޕުގެ ލީޑަރު އަދި ހިތަދޫ އުތުރު ދާއިރާގެ ރައްޔިތުންގެ މަޖިލިސް މެންބަރު މުހައްމަދު އަސްލަމްއެވެ.
އޭނާ ވިދާޅުވީ އެފަދައިން ބެކްގްރައުންޑް ޗެކެއް ހެދުމަކީ އެކަށީގެންވާ ކަމެއްކަމަށް ނުވެދާނެކަމަށާއި އެހެންކަމުން ގާނޫނުގެ 17 ވަނަ މާއްދާގައި ބުނާ ބެކްގްރައުންޑް ޗެކް ހެދުމުގެ ގޮތުން ފުރިހަމަކުރަން ޖެހޭ ކަންތައްތަކަކީ ލާޒިމްކަމެއް ނޫންކަމަށް ހެދުމަށް ގާނޫނު އިސްލާހު ހުށަހަޅާކަމަށެވެ.
ދެން އިސްލާހްކުރަން ހުށަހަޅާފައިވަނީ 100 ވަނަ މާއްދާގެ (ކ)އެވެ. އެ މާއްދާގެ އެ އަކުރުގައި ވަނީ ތަހްގީގުތައް ކުރާ ފުލުހުން ފުރިހަމަ ކުރަން ޖެހޭ ތަމްރީނުތައް ދެ އަހަރުގެ މުއްދަތުގެ ތެރޭގައި ފުރިހަމަ ކުރަން ޖެހޭކަމަށެވެ.
އަސްލަމް ވިދާޅުވީ ދެ އަހަރުގެ މުއްދަތެއްގެ ތެރޭގައި އެ ތަމްރީނުތައް ހަދާ ނިންމިދާނެކަމަށް ނުބެލެވޭކަމަށާއި އެހެންކަމުން އެ މުއްދަތު އިތުރު ކުރަން ހުށަހަޅާކަމަށެވެ. އޭނާ ވަނީ އިތުރު އެއް އަހަރުގެ މުއްދަތެއް ކަނޑައަޅާ ތަހްގީގުތައް ފުރިހަމަ ކުރަން ޖެހެނީ 27 މާޗް 2024 ގެ ކުރިންކަމަށް ކަނޑައެޅުމަށް ހުށަހަޅާފައެވެ.
އެމްޑީޕީ މިހާރު ވަނީ ވަގުންގެ ނެޓްވޯކް އަކަށް ވެފައި: އިންތި
ރައީސް ޑިމޮކްރެޓްސް ހަރުގެ ކައިރިން ވަޑައިގަންނަވަނިކޮށް "ޗޯރު އިބޫ"އަށް ގޮވައިފި
ގަލްފްކޯޕަރޭޝަން ކައުންސިލާއި، އެމެރިކާގެ ވަޒީރުންގެ ބައްދަލުވުމުން ގުޅިފައިވާ ބަޔާނެއް ނެރެފި
ރައީސް ޔާމީންގެ އުޖާލާ ޒަޢާމަތެއްގެ ޒަމާން ރައްޔިތުން އަދިވެސް ބޭނުންވޭ: ޝިޔާމް
