އިންޑޯ 60 މީޓަރު ދުވުމުގެ ޤައުމީ ރެކޯޑު މަރިޔަމް ރޫޔާ އަލީ މުގުރާލައިފިއެވެ.
ރޫޔާ މި ރެކޯޑު މުގުރާލާފައިވަނީ ކަޒަކްސްތާނުގެ އަސްޓާނާގައި މިހާރު ކުރިއަށްދާ އޭޝިއަން އިންޑޯ އެތްލެޓިކްސް ޗެމްޕިއަންޝޕްގައި ދުވެއެވެ. 60 މީޓަރުގެ ދުވުން ރޫޔާ ނިންމާފައިވަނީ 7.66 ސިކުންތުންނެވެ. މި ރޭހުގައި ރޫޔާ ގޮސްފައިވަނީ 5 ވަނައަށެވެ.
ރޫޔާގެ އިތުރުން ދިވެހިރާއްޖޭގެ އަހުނާ ނިޒާރުވެސް މި މުބާރާތުގައި ބައިވެރިވެއެވެ. މުބާރާތުގައި ފުރަތަމަ ދުވީ އަހުނާއެވެ. އަހުނާވަނީ 7.89 ސިކުންތުން ރޭސް ނިންމައި ޤައުމީ ރެކޯޑު ހަދާފައެވެ. އަދި އޭގެ ގަޑިއެއްހާއިރު ފަހުން ރޫޔާ އެ ރެކޯޑު މުގުރާލިއެވެ.
ރޫޔާ އަކީ ދިވެހިރާއްޖޭގައި އަރަމުން އަންނަ ޒުވާން އެތުލީޓެކެވެ. ދާދިފަހުން ބޭންކް އޮފް މޯލްޑިވްސް އިން ސްޕޯޓްސް ސްކޮލަރޝިޕް ދިން ފަރާތްތަކުގެ ތެރޭގައިވެސް ރޫޔާ ހިމެނުނެވެ. އެ ސްކޮލަރޝިޕްގެ ދަށުން ޖެމައިކާގެ ކިންގްސްޓަންގެ ހައި ޕަރފޮމެންސް ޓްރެއިނިން ސެންޓަރުގައި ރޫޔާ ތަމްރީނު ވާނެއެވެ.
ސަރުކާރުން ކުރަނީ ނަފްސާނީ އަނިޔާ، މި އަންނަނީ އެކަން ނިންމަން: މުއިއްޒު
ރަށުން ބޭރުގައި މަސައްކަތްކުރާ ޕްރިންސިޕަލުންނަށް ދެމުންއައި އެލަވެންސް ކަނޑާލުމަށްފަހު އަލުން ދޭން ފަށަނީ
ރައީސް އިބްރާހިމްއަކީ ކަނޑައެޅިގެން ހުރި ކަނޑު ކޮހެއް: ސަލީމް
ކެނެޑާގެ ރައްޔިތުންނަށް އިންޑިއާއިން ވިސާ ދިނުން ހުއްޓާލައިފި
