ތިލަފުށިން ބިން ވިއްކުމާއި ގުޅިގެން ސައީދު: މިއީ ބިމުގެ އަގުޖެހުމުގެ ކުރީން ހިންގާބޮޑުޖަރީމާއެއް!
ސިނާއީ ކަންކަމަށް ބޭނުންކުރަމުން އަންނަ ތިލަފުށިން ބިން ވިއްކުމަކީ ބިމުގެ އަގުޖެހުމުގެ ކުރީން ހިންގޭ ބޮޑު ޖަރީމާއެއްކަމަށް އިދިކޮޅު ޕީއެންސީގެ ނައިބު ރައީސް އަދި ރައްޔިތުން މަޖިލީހުގެ މާވަށު ދާއިރާގެ މެންބަރު މުހައްމަދު ސައީދު ވިދާޅުވެއްޖެއެވެ.
މިކަމާއި ގުޅިގެން ސައީދު ކުރެއްވި ޓްވީޓެއްގައިވަނީ އުމުރުދުވަހަށް މިލްކު ކުރެވޭގޮތައް މާލޭގެބިން ބޭރުފަރާތް ތަކަށް ސަރުކާރުން ވިއްކާކަމަށް ވިދާޅުވެ ކަންބޮޑުވުން ފާޅުކޮށްފައެވެ.
އޭނާ ވިދާޅުވީ ތިލަފުށިގެ ބިން މާލޭގެ ބިމަކަށް ވަނީ 700 މިލިއަން ޑޮލަރަށް މާލެއާއި ތިލަފުށިގުޅޭ ކަމަށްބުނާތީކަމަށެވެ.
މެންބަރު ސައީދު އިތުރަށް ވިދާޅުވީ މިއީ ބިމުގެއަގުޖެހުމުގެ ކުރީން ހިންގާ ބޮޑުޖަރީމާއެއްކަމަށާއި މިކަން ހުއްޓަންޖެހޭކަމަށެވެ.
މިފަދަ ކަންބޮޑުވުމެއް ސައީދު ފާޅުކުރައްވާފައިވާއިރު ތިލަފުށިން ބިން ވިއްކުމުގެ ފުރަތަމަ މަރުހަލާގައި ބިން ގަތުމަށް ޝައުގުވެރިވާ ފަރާތްތަކަށް ޝައުގުވެރިކަން ފާޅުކުރުމުގެ ފުރަސަތު ހުޅުވައިލާނެކަމަށާއި އެއަށްފަހު ދެވަނަ މަރުހަލާގައި ބީލަން ހުށަހަޅަން ހުޅުވައިލާނެކަމަށް އެޗްޑީސީން ވަނީ ބުނެފައެވެ. އެ ކުންފުނިން ބުނީ ވިއްކާ ބިންތަކުގެ އަގު ފަށާނީ އަކަފޫޓަކަށް 1،700 ރުފިޔާއިން ކަމަށެވެ.
ނިއުޔޯކްސިޓީ އަޑިއަށް ހިނގައިދާނެކަމުގެ އިންޒާރު ސައިންސްވެރިންދީފި
ލޯފަންމީހުންނަށް އަމިއްލައަށް ވޯޓްލެވޭ އިސްލާހް ބަލައިގަތުމަށް ފާސްކޮށްފި
ހަރުގެއިން އެމްޑީޕީ ނެރުން ހުއްޓުވައިދޭންޖެހޭ ޤާނޫނީ ޙައްޤެއް އެ ޕާޓީއަށް ނުދެއްކުނު: ސިވިލް ކޯޓު
ބަންޑާރަނައިބު އިބްރާހީމް ރިފްއަތުގެ އިތުބާރުނެތްކަމުގެ މައްސަލަ މާދަމާއަށް ތާވަލުކޮށްފި
