ދައުލަތުގެ މުއައްސަސާތައް ރައީސުލްޖުމުހުރިއްޔާގެ އޮޅު ޕެޓަކަށްވީމަ ކަމުނުދާކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު ވިދާޅުވެއްޖެއެވެ.
މިފަދައިން ޑރ.ޖަމީލް ވިދާޅުވެފައިވަނީ ޕްރޮގްރެސިވް ކޮންގުރެސް ކޯލިޝަނުގެ ފަރާތުން މި އަހަރު އޮންނަ ރިޔާސީ އިންތިޚާބަށް ތައްޔާރުވުމުގެ ގޮތުން ބާއްވާ "ހޯޕް ކޮންފަރެންސް" ފެށުމުގެ ރަސްމިއްޔާތުގައި ދެއްކެވި ވާހަކަފުޅުގައެވެ.
ޑރ. ޖަމީލް ވިދާޅުވީ ގައުމެއްގެ ސިޔާސީ މަސައްކަތް ކުރުމަކީ އެ މަސައްކަތުގައި އުޅޭ ބަޔަކަށް އަނިޔާދޭ ކަމަކަށް ވެގެން ނުވާނެކަމަށާއި ގައުމަކަށް ލިބޭނެ އެންމެ ބޮޑު ރައްކާތެރިކަމަކީ އެ ގައުމެއްގެ ޝަރޫއީގެ ރައްކާތެރިވެ އެ ގައުމެއްގެ ފަނޑިޔާރުން އަދުލުވެރިވުންކަމަށެވެ.
"ބަލާފަ ހޯދާފަ ކުށްވެރިވެފައިވާ މީހުން ހެކިންނަށް ގެނައިމާ ކަމަކު ނުދޭ، ސޯމާލިޔާއާއި އެފްރިކާގެ ގައުމުތަކުގައި ހަރަކާތްތެރިވާގޮތަށް ދިވެހިރާއްޖޭގެ ފުލުހުންގެ މަސައްކަތް އަމާޒު ވީމައި އެ ކަމަކު ނުދޭ، ޕްރޮސެކިއުޓާ ޖެނެރަލްއަކީ ސިޔާސީ ނުފޫޒުގެ ތެރެއަށް ވަދެފައިހުރި ބޭފުޅަކަށްވީމައި ކަމަކު ނުދޭ" ޑރ. ޖަމީލް ވިދާޅުވިއެވެ.
"ދިވެހިރާއްޖޭގައި ބައިވަރު މުއައްސަސާތައް އެބަ ހުރި، ކީއްވެގެންތޯ މި މުއައްސަސާތައް މިއަދު ރައީސުލްޖުމުހުރިއްޔާގެ އޮޅު ޕެޓްތަކަކަށް ވެގެން މިއުޅެނީ، ޕެޓަކަށް ވީމައި ކަމަކު ނުދޭ" ޑރ. ޖަމީލް ވިދާޅުވިއެވެ.
މީގެއިތުރުން ސަރުކާރާ ހިޔާލު ތަފާތުވާ މީހުންނަށް އިރު އިރުކޮޅާ ޗިޓް އަންނަކަމަށާއި ޗިޓް އައިމާ ކޯޓު ލައި ޓައި އަޅައިގެން ކޯޓަށް ދާން ޖެހޭކަން ޖަމީލް ވަނީ ފާހަގަކުރައްވާފައެވެ.
"ސިސްޓަމް އެބަ ހިނގަޔޯ، ސިސްޓަމެއް ނުހިނގާ، ސިސްޓަމް ހިނގާ ނަމަ މަހްލޫފް ނުހުންނާނެ ކެބިނެޓްގައި، ސިސްޓަމް ހިނގާ ނަމަ ތުހުމަތު ކުރެވުނީމައި އައިޝާއެއް އައިމިނާއެއް ނީންނާނެ" ޑރ. ޖަމީލް ވިދާޅުވިއެވެ.
ޑރ. ޖަމީލް ވިދާޅުވީ އިންސާފުވެރިކަމާއެކު ވެރިކަމުގެ ސިސްޓަމް ހިނގާނަމަ ތުހުމަތެއް ކުރެވުނީމައި ވަޒީރު ބޭފުޅެއް އެހެން ބޭފުޅެއް ނޯންނާނެކަމަށާއި ގާނޫނު އެންމެންނަށްވެސް ހިނގަން ޖެހޭނެކަމަށެވެ.
ކްރިމިނަލް ކޯޓުގެ ގާޒީއާއި، އިސް ގާޒީ ކަމަށް ކުރިމަތިލާން ހުޅުވާލައިފި
ބިޑް ކުރުމަކާ ނުލައި މަޝްރޫއުތައް ހަވާލުކުރަނީ އިންތިހާބަށް ފައިސާ ހޯދަން: އާޒިމް
ފުލުހުންގެ ބެކްރައުންޑް ޗެކު ހެދުމަށް ބޭނުންވާ ޕޮލިގްރާފް ހެދުން އިހުތިޔާރީކުރަން ފާސްކޮށްފި
ފުލުހުން ހޯދާ މީހަކު ފޮރުވައިގެން ގެންގުޅުމުން 5 މީހަކު ހައްޔަރުކޮށްފި
