30 އަހަރަށް ފަހުގައި، މިމަހު 1 6ވަނަ ދުވަހު ހޯދައި ހައްޔަރުކުރި އިޓަލީގެ އެންމެ ނުރައްކާތެރި މާފިއާ ބޮސް މެސީނާ ޑިނޭރޯ ހޯދި ގޮތް އިޓަލީގެ ކަމާއިބެހޭ ފަރާތްތަކުން ހާމަކޮށްފިއެވެ.
ޑިނޭރޯ މިއަހަރު ހޯދުމުގެ ކުރިން އޭނާގެ ހިލަމެއް ވެފައިވަނީ 1993 ގައެވެ. އެއަހަރުގެ ފަހުން އޭނާ ހުންނަގޮތަކާއި، އުޅޭތަނެއް ނޭންގުމުން އޭނާ ހޯދުން ވެގެންދިޔައީ ވަރަށް ދަތިކަމަކަށެވެ.
މިގޮތުން، "އޮމެރްޓާ"، ނޫނީ ހަނުހުރުމުގެ އުސޫލަކީ އިޓަލީގެ މާފިއާ މީހުން ވަރަށް ފުންކޮށް ގަބޫލްކޮށް، އެއަށް ތަބާވާ އުސޫލެކެވެ. ހުޅަނގު ސިސިލީގައި އުޅޭ އޭނާގެ ޖަމާއަތުގެ މީހުންގެ ހިތުގައި ޑިނޭރޯއަށްޓަކައި އޮތް ވަރުގަދަ ވަފާތެރިކަމުގެ ސަބަބުން އޭނާއާއި ބެހޭ އެއްވެސް މައުލޫމާތެއް ހޯދުމުގައި ވަރަށް ބުރަ ފިޔަވަޅުތައް އަޅަން ޖެހުނެވެ.
"އޭނާ ހޯދުމަށް ހައްޔަރުކުރި 200 މީހުންގެ ތެރެއިން އެއްވެސް މިންވަރެއްގެ މައުލޫމާތެއް ލިބުނީ އެންމެ މީހެއްގެ ފަރާތުން"، 1996އިން 2008 ވަންދެން ޑިނޭރޯ ހޯދުމުގައި މަސައްކަތްކުރި ޕްރޮސިކިއުޓަރެއް ރޮއިޓަރސްއަށް މައުލޫމާތު ދެމުން ބުންޏެވެ.
މިފަހުން އޭނާ ހައްޔަރުކުރަމަށް މަގުފަހިވެގެން ދިޔަ ސަބަބަކީ، އޭނާއަށް ކެންސަރު ޖެހިފައިވާ މައުލޫމާތު އެގައުމުގެ ފުލުހުންނަށް ލިބުމުންނެވެ. އެއީ ޑިނޭރޯގެ އާއިލާ މެމްބަރުންގެ ފޯނުތައް ބަގުކޮށް، ފުލުހުންގެ އިންޓެލިޖެންސަށް އެ މައުލޫމާތު ލިބިގެންނެވެ.
"އަހަރެމެން ދަމަހައްޓާ އުސޫލު އަދިވެސް އެބަހުރި"، ޑިނޭރޯ ބުނެފައިވާކަމަށް އޭނާ ހައްޔަރު ކުރުމުގައި ހަރަކާތްތެރިވި ފުލުހަކު ބުންޏެވެ. އޭނާ އެ ރިއާޔަތް ކުރާ އުސޫލަކީ، އިޓަލީ މާފިއާގައި ވަރަށް މުހިއްމު އުސޫލެއް ކަމަށްވާ ހަނުހުރުމުގެ އުސޫލެވެ. އެއީ، އޭނާއާ ބެހޭ އެއްވެސް މައުލޫމާތެއް، ނޫނީ އޭނާގެ ޖަމާއަތާ ބެހޭ އެއްވެސް މައުލޫމާތެއް އެއްވެސް ހާލަތެއްގައި ހިއްސާނުކުރާނެކަމުގެ އުސޫލެވެ.
އިޓަލީ ފުލުހުންވަނީ އެންޑްރިއާ ބޮންފީޑްވެސް ވަނީ ހައްޔަރުކޮށްފައެވެ. ޑިނޭރޯ ވަރަށް ކުޑައިރުއްސުރެން ދަންނަކަމަށާއި، އަދި އޭނާއަށް ފްލެޓެއްވެސް ގަނެދިންކަމަށް ބޮނަފީޑްވަނީ އެއްބަސްވެފައެވެ.
ޑިނާރޯއަށް އެހީވެ، އޭނާ ފޮރުވުމުގެ ދައުވާގައި ތަހުގީގު ކުރެވެމުން އަންނަ މީހުންގެ ތެރޭގައި އޭނާގެ ޑޮކްޓަރު، އަލްފޮންސޯ ޓުމްބަރެލޯ ހިމެނެއެވެ.
ޑިނޭރޯ އަކީ ނުރައްކާތެރި އެތައް ޖަރީމާތަކެއް ހިންގި ކަމުގެ ތުހުމަތުގައި އޭނާގެ ޣައިރު ހާޒިރުގައި ހުކުމް ކުރެވިފައިވާ ފަރާތެކެވެ. އަދި އޭނާ އަކީ އިޓަލީގެ އެންމެ ފަހުގެ މާފިއާ ބޮސް ކަމަށް އިޓަލީގެ މީޑިއާތަކުން ބުނެއެވެ.
މިއަހަރު ފިތުރު ޒަކާތުގެ ގޮތުގައި ދައްކަންޖެހޭ އަދަދު ކަނޑައަޅައިފި
ގުރައިދޫ ދާއިރާގެ ބައި-އިލެކްޝަންގެ ކެމްޕެއިން އެމްޑީޕީއިން ވެސް ފަށައިފި
އެމްޑީޕީ ނުހިމެނޭހެން ކޯލިޝަނެއް ހެދުމަށް އެމްއާރްއެމް އަށް ގާސިމު ދައުވަތު ދީފި
ޖުމްހޫރީ ޕާޓީން ޖަމްއިއްޔަތުއް ސަލަފާ ބައްދަލުކޮށްފި
