މާލޭ މަގުމަތިން މީހަކަށް ހަމަލާދީ މީހަކު ޒަޚަމްކޮށްލައިފި

މާލޭގައި ޣިޔާސުއްދީން އިންޓަނޭޝަނަލް ސުކޫލު ކައިރީގައި ތޫނު އެއްޗަކުން މީހަކަށް ހަމަލާދީ މީހަކު ޒަޚަމްކޮށްފިއެވެ.

އެ ހާދިސާގެ މައުލޫމާތު ހިއްސާކުރަމުން ފުލުހުން ބުނެފައިވަނީ ޣިޔާސުއްދީން ސުކޫލު ކައިރިން މީހަކަށް ހަމަލާދީ ޒަޚަމްކޮށްލިކަމުގެ މައުލޫމާތު ލިބިފައިވަނީ މިއަދު ހަވީރު 4:10 ހާއިރު ކަމަށެވެ.

ތޫނު އެއްޗަކުން ދިން ހަމަލާގައި ޒަޚަމްވި މީހާއަށް އިންދިރާ ގާންދާ މެމޯރިއަލް ހޮސްޕިޓަލުގައި ފަރުވާދެމުންދާކަމަށްވެސް ފުލުހުން ބުންޏެވެ.

މި މައްސަލައާ ގުޅިގެން އިތުރަށް ބަލަންޖެހޭ ކަންކަން ތަހުގީގުކުރަމުންދާ ކަމަށްވެސް ފުލުހުން ބުނެފައިވެއެވެ.