ޖީއެސްޓީއަށްއައި ބަދަލާއި އެކު ބާޒާރުގައި މުދަލުގެ އަގުވަނީ އިންތިހާއަށް އަށްބޮޑުވެފައެވެ. ޒަރޫރީ އަދި ކޮންމެ ދުވަހަކުވެސް ކެއިންބުއިމަށް ބޭނުންކުރާ ތަކެތިން އަގުބޮޑުވެގެންދިޔުންވީ އާންމުންގެ ކަންބޮޑުކޮށްލިކަމަކަށެވެ. މިކަންބޮޑުވުން އިތުރުވެގެންދިޔައީ ކޮންމެ ދުވަހަކު ބޭނުން ކުރަމުންދާ، ދަރިވަރުންގެ ނާސްތާގައި ހިމެނިފައިވާ ހިކިކިރުގެ އަގުވެސް ކުއްލިއަކަށް، އިންތިހާއަށް ދާދިފަހުން ބޮޑުވެގެންދިއުމެވެ.
އާންމުގެ މިކަންބޮޑުވުން ސޯޝަލްމީޑިއާގައި ފަތުއަޑުކިޔާފައި ހިއްސާކުރެވެމުންދަނިކޮށް ރެޑުވޭވުން މިވަނީ މިކަންބޮޑުވުމަށް ލުޔެއް ދިނުމަށް ނިންމާފައެވެ. އެގޮތުން އެކުފުނިން ރާއްޖޭގެ ބާޒާރަށް ގިނަ އަދަދަކަށް އެތެރެކޮށް ކަސްޓަމަރުންގެ މަޤްބޫލުކަން ހޯދާފައިވާ މަޖަން ހިކި ކިރުގެ އަގު، ބޮޑު ނުކުރާނެކަމުގެ ޔަޤީންކަން ރެޑްވޭވްއިން އެކުންފުނީގެ އޮފިޝަލަކާއި ހަވާލާދީ މީޑިއާތަކަށްވަނީ މައުލޫމާތު ދީފައެވެ. ރެޑްވޭވްގެ އޮފިޝަލު މައުލޫމާތު ދެއްވިގޮތުގައި ދުނިޔޭގެ މާރކެޓަށް އައި ބަދަލާއި އެކު ޕައުޑަރ މިލްކުގެ އަގުތަށް އުފުލިގެން ދިޔުމާއިއެކުވެސް، ރެޑްވޭވްގެ މިލްކް ޕައުޑަރުގެ އަގުތަށް އެކުންފުނިންވަނީ އެހަރަދުގެ ބުރަ ކަސްޓަމަރުން އުފުލަން ނުޖެހޭގޮތަށް އެއް ހަމައެއްގައި ހިފަހައްޓާފައެވެ.
އެގޮތުން މަޖަންގެ 800ގ ޕެކެޓެއް 90 ރ އަށް ލިބިގެންދާނެއެވެ. އަދި 1.8ކިލޯ ގެ ޕެކެޓެއް 199ރ އަށް ހުރިއިރު، 2.25ކިލޯ ގެ ޕެކެޓެއްވެސް ހުރީ ބާޒާރުގެ އެންމެ ހެޔޮ އަގުކަމުގައިވާ 255ރ އަށެވެ. އެކުންފުނީގެ ހޯލްސޭލް އަދި ރީޓޭލް ކަސްޓަމަރުންނަށްވެސް ކުރީގައިވެސް ހުރި، ބަދަލެއްނުވާ ހެޔޮ އަގުގައި މަޖަން ހިކިކިރު ލިބިގެންދާނެއެވެ. މަޖަންއަކީ ރާއްޖެއަށް އެތެރެކުރާ ގިނާ ބްރޭންޑްތަކެއްގެ ކިރެކޭ އެއްފަދައިން، ދިވެހިންގެ ރަހަތަކާއި ގުޅޭ ނިއު ޒިލޭންޑުގެ އުފެއްދުމެކެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
