މައްސަލައެއްގެ ތަހުގީގަ ފުލުހުން މީހަކު ހޯދަނީ

ފުލުހުން ބަލަމުންދާ މައްސަލައެއްގައި ތަހުގީގަށް ހާޒިރުވާން މީހަކު ހޯދައި ނުފެނުމުން އޭނާގެ މައުލޫމާތު އާންމުކޮށްފިއެވެ.

ގދ ތިނަދޫ ވެސްޓްޕޯލްއިރަށް ނިސްބަތްވާ އުމުރުން 41 އަހަރުގެ އަހްމަދު ސަލީމް ތަހުގީގަށް ހާޒިރުވާން އަންގާ އެންގުމަކީ، ފ ނިލަންދޫ ޕޮލިސް ސްޓޭޝަނަށް ހުށަހެޅި މަކަރާއި ހީލަތުން ގިނަ އަދަދެއްގެ ފައިސާ ހޯދާފައިވާ މައްސަލައަކާއި ގުޅޭ ގޮތުން ސުވާލު ކުރުމަށެވެ.

ސަލީމް ހާޒިރުވާންޖެހެނީ 4 ޖަނަވަރީ 2023 ވަނަ ދުވަހުގެ 10:00އަށް ޝަހީދު ހުސައިން އާދަމް ބިލްޑިންގަށް ކަމަށް އިއުލާނުގައި ބަޔާން ކޮށްފައިވެއެވެ.

ފުލުހުން ނެރުނު އިއުލާނަކީ ޖިނާއީ މައްސަލައެއްގެ ތަހުގީގުކުރުމުގައި ފުލުހުން އަމަލުކުރަންޖެހޭ އިޖުރާއަތުގެ ގަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް އަންގާ އިއުލާނެކެވެ.