ބަންގުލަދޭޝްގެ އެމްޑީ އަލަމްގީރާއެކު އެއްޖިންސުން ގުޅުންހިންގުމުގެ ކުށް ސާބިތުވި ފުލުހެއް ކަމުގައިވާ އަބްދައްރަހުމާން ރަފީއުއަށް ކަނޑައެޅި އަދަބު ކުޑަ ކުރަން ޕްރޮސެކިއުޓާ ޖެނެރަލް (ޕީޖީ) އޮފީހުން ހައިކޯޓުގައި މައްސަލަ އިސްތިއުނާފު ކޮށްފި އެވެ.
އެ މައްސަލައިގައި ކްރިމިނަލް ކޯޓުން މިދިޔަ ސެޕްޓެމްބަރު މަހު ހުކުމްކުރީ ރަފީއު އެއް އަހަރާއި އެއް މަހަށް ޖަލަށް ލުމަށެވެ. އެކަމަކު ހުކުމް ކުރުމުގެ ކުރިން ރަފީއު ވަނީ ކުށަށް އިއުތިރާފުވެ މާފަށް އެދި ބަޔާނެއް ނެރެފަ އެވެ.
އެހެންވެ، އެ މައްސަލައިގައި އިއުތިރާފުވުމުން ދައުލަތުން އެދުނީ ރަފީއުގެ މައްޗަށް ކަނޑައެޅޭ އަދަބުގެ އަސާސީ މިންގަނޑަށްވުރެ އެއް ދަރަޖަ ދަށްކޮށް އަދަބު ކަނޑައެޅުމަށެވެ.
އެގޮތުން އޭނާގެ އަދަބު ހަތް މަހާއި ހަ ދުވަހުގެ ޖަލު ހުކުމަކަށް ކުޑަކޮށްދިނުމަށް އެދި ޕީޖީން ހައިކޯޓަށް ހުށަހެޅީ އިއްޔެ އެވެ.
އެއް އަހަރު ދުވަހުގެ ޖަލު ހުކުމް ބޮޑުވެގެން އެއް ޖިންސުން ގުޅުންހިންގި މީހުންގެ އަދަބު ލުއިކުރަން ޕީޖީން މަސައްކަތް ކުރާއިރު، އެއް ޖިންސުން ގުޅުންހިންގި ކަމުގެ ތުހުމަތުވާ އެންމެންގެ މައްޗަށް ދައުލަތުން ދައުވާ ކުރީވެސް ލުއި އަދަބު ލިބޭ ގޮތަށެވެ.
ކްރިމިނަލް ކޯޓުގެ ގާޒީއާއި، އިސް ގާޒީ ކަމަށް ކުރިމަތިލާން ހުޅުވާލައިފި
ބިޑް ކުރުމަކާ ނުލައި މަޝްރޫއުތައް ހަވާލުކުރަނީ އިންތިހާބަށް ފައިސާ ހޯދަން: އާޒިމް
ފުލުހުންގެ ބެކްރައުންޑް ޗެކު ހެދުމަށް ބޭނުންވާ ޕޮލިގްރާފް ހެދުން އިހުތިޔާރީކުރަން ފާސްކޮށްފި
ފުލުހުން ހޯދާ މީހަކު ފޮރުވައިގެން ގެންގުޅުމުން 5 މީހަކު ހައްޔަރުކޮށްފި
