"ދިޔަރެސް"ގެ ނޫސްވެރިޔާ އަޒާން ފުލުހަށް ހާޒިރުކުރުމުން އެމްނެސްޓީން ކަންބޮޑުވުން ފާޅުކޮށްފި
"ދިޔަރެސް"ގެ އެއް މުއައްސިސް އަދި ޗީފް އެޑިޓަރު އަޙްމަދު އަޒާންގެ މައްޗަށް ދޮގު ތުހުމަތުތަކެއް ފުލުހަށް ހާޒިރުކުރުމުން އެމްނެސްޓީ އިންޓަނޭޝަނަލްއިން ކަންބޮޑުވުން ފާޅުކޮށްފިއެވެ.
އެމްނެސްޓީ އިން މިއަދު ހެނދުނު ނެރުނު ބަޔާނެއްގައި ބުނެފައިވަނީ ދިވެހި ފުލުހުން އަޒާންއަށް ބިރުދައްކަމުންދާތީ އެކަމާއި ގުޅިގެން ކަންބޮޑުވުންފާޅުކުރާ ކަމަށެވެ. އަދި ހިޔާލު ފާޅުކުރުމުގެ މިނިވަންކަން ހިމާޔަތްކުރުމަށާއި ނޫސްވެރިންގެ ރައްކާތެރިކަން ކަށަވަރު ކުރުމަށް ސަރުކާރަށް ގޮވާލާފައިވެއެވެ.
ފާއިތުވި ބުރާސްފަތި ދުވަހު އަޒާން ފުލުހަށް ހާޒިރުކޮށްފައިވަނީ އިންދިރާ ގާންދީ މެމޯރިއަލް ހޮސްޕިޓަލުގެ ޑާޓާބޭސްގައި ހުރި އުނިކަމެއްގެ ސަބަބުން އެ ޑާޓާބޭސްއިން ބޭނުން ކޮންމެ މީހަކަށް، މީހުންގެ ޒާތީ ޞިއްޙީ މައުލޫމާތު ބެލޭކަން ރިޕޯޓުކުރުމާ ގުޅިގެންނެވެ.
ފުލުހުން އަޒާނަށް ތުހުމަތުކޮށްފައިވަނީ އެ ޑޭޓާބޭސްގައި ހުރި ދައުލަތުގެ ވެރިންގެ މައުލޫމާތުތަކެއް ނަގައި އެ މައުލޫމާތު ލީކުކޮށްލި ކަމަށެވެ. ނަމަވެސް އަޒާން އެއިން އެއްވެސް މައުލޫމާތު ނަގައި ލީކުކޮށްފައި ނުވާނެއެވެ.
އަދި "ދިޔަރެސް"ގެ ޚަބަރުގައި އެ މައްސަލައަކީ ކޮބައިކަމާއި މައްސަލަ ބޭނުންކޮށްގެން މީހުންގެ މައުލޫމާތު ދެނެގަންނާނެ ގޮތްތައް ހިމަނާފައިނުވެއެވެ.
އަޒާން ފުލުހަށް ހާޒިރުކޮށްފައިވަނީ މަސްދަރު ހާމަކުރުން ނޫސްވެރިންނަށް ލާޒިމުކުރާ ގޮތަށް މާއްދާތަކެއް ހިމަނައިގެން ފާސްކުރި ހެއްކާ ބެހޭ ޤާނޫނު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ތަސްދީގުކުރެއްވިތާ 24 ގަޑިއިރުނުވަނީހެވެ.
ފުލުހުންގެ އިސްވެރިޔަކު ވިދާޅުވި ގޮތުގައި ޙަޤީޤަތުގައި އަޒާން ފުލުހަށް ހާޒިރުކުރުމުގެ ބޭނުމަކީ ސަރުކާރަށް ފާޑުކިޔައި، ސަރުކާރުގެ ކޮރަޕްޝަނާއި ޚިޔާނާތުގެ މައްސަލަތައް ފެންމަތިކޮށް، ސަރުކާރުގެ ޚާރިޖީ ސިޔާސަތަށް ފާރަވެރިވާ ނޫސްވެރިންނަށް ބިރުދެއްކުމެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
